ادام قۇقىقتارى جونىندەگى ورتالىقتىڭ باسشىسى ۆ.ا. كاليۋجنىي تمد جانە ورتالىق پەن شىعىس ەۋروپا ەلدەرى ءۇشىن يۋنيسەف وڭىرلىك كەڭسەسىنىڭ وكىلى انن گرانجانمەن كەزدەستى, دەپ حابارلادى قازاقستان رەسپۋبليكاسىنداعى ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى.
ادام قۇقىقتارى جونىندەگى ورتالىقتىڭ باسشىسى ۆ.ا. كاليۋجنىي تمد جانە ورتالىق پەن شىعىس ەۋروپا ەلدەرى ءۇشىن يۋنيسەف وڭىرلىك كەڭسەسىنىڭ وكىلى انن گرانجانمەن كەزدەستى, دەپ حابارلادى قازاقستان رەسپۋبليكاسىنداعى ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى.
كەزدەسۋ بارىسىندا 27-28 ماۋسىمدا بريۋسسەل قالاسىندا (بەلگيا) وتكەن بالالارعا ارنالعان ادىلەت جونىندەگى جوعارى دەڭگەيدەگى كونفەرەنتسيانىڭ قورىتىندىسى, سونداي-اق ومبۋدسمەن كەڭسەسىنىڭ بالا قۇقىقتارىن قورعاۋ سالاسىندا الداعى ۋاقىتتاعى قىزمەتىنىڭ باسىم باعىتتارى تالقىلاندى.
ورتالىقتىڭ باسشىسى يۋنيسەف وڭىرلىك كەڭسەسىنىڭ وكىلىن بالالارعا قاتىستى زورلىق-زومبىلىققا تىيىم سالۋعا بايلانىستى ۇلتتىق زاڭنامانى جەتىلدىرۋ جانە قازاقستاندا ديۆەرگەنتسيانى ەنگىزۋ بويىنشا ۇسىنىمداردى ازىرلەۋدى, قۇرىلىپ جاتقان ۇلتتىق الدىن الۋ تەتىگى شەڭبەرىندە بالالار مەكەمەلەرىنە تاۋەلسىز مونيتورينگ جۇرگىزۋ ءۇشىن تەتىكتەر ازىرلەۋدى, شىعىس قازاقستان وبلىسى مەكتەپتەرىندە زورلىق-زومبىلىقتىڭ الدىن الۋ بويىنشا ۇلگىلىك باعدارلاماسىنا قاتىسۋدى قامتيتىن بىرلەسكەن ىنتىماقتاستىقتىڭ نەگىزگى ءىس-شارالارى تۋرالى حاباردار ەتتى.
كەزدەسۋ قورىتىندىسى بويىنشا تاراپتار قازاقستانداعى بالا قۇقىقتارىن قورعاۋ جۇيەسىن نىعايتۋ بويىنشا الداعى ۋاقىتتاعى ءونىمدى ىنتىماقتاستىققا سەنىمىن ءبىلدىردى.
