بىلتىر «نيۆا» اۆتوكولىگىمەن ناۋىرزىم اۋدانىنداعى سۇرلەۋ جولمەن كەتىپ بارا جاتقان ول ولەڭدى اۋىلىنىڭ ماڭىندا جايىلىپ جۇرگەن 4 كيىكتى كورەدى. جازىقسىز جانۋارلاردى قۋا جونەلگەن «نيۆا» 2 كيىكتى قاعىپ ولتىرەدى. جانىنداعى جولداسىمەن بىرگە وڭاي ولجانىڭ ەتى مول ىرىلەۋىن كولىگىنە وڭگەرىپ العان قىلمىسكەر كىشكەنتاي لاقتى سول جەرگە تاستاپ كەتەدى.
ابىروي بولعاندا, قىلمىسكەرلەردى جولدا كەتىپ بارا جاتقان ناۋىرزىم اۋدانىنىڭ تۇرعىنى بايقاپ قالعان. ول بىردەن پوليتسياعا حابارلاسىپ, ءوزى «نيۆانىڭ» ىزىنە تۇسەدى. براكونەرلەردى كوپ ۇزاماي-اق پوليتسيا توقتاتادى.
- كولىگىمەن ەكى كيىكتى قاعىپ ولتىرگەن قىلمىسكەر ورمان شارۋاشىلىعىنا 6 ملن تەڭگەدەن استام زيان كەلتىرگەن. كۇدىكتىلەرگە قاتىستى قوزعالعان قر قك 337 بابىندا كوزدەلگەن «زاڭسىز اڭعا شىعۋ» بابى بويىنشا قىلمىستىق ءىس اياقتالىپ, اۋداندىق سوت قىلمىسكەردى ەكى جىلعا باس بوستاندىعىنان ايىرۋ تۇرىندەگى جازاعا كەسۋ تۋرالى ۇكىم شىعاردى, - دەپ حابارلادى پوليتسيا دەپارتامەنتىنىڭ ءباسپاسوز قىزمەتى.
قوستاناي وبلىسى
