ەلىمىزدە جەرگىلىكتى ءوزىن ءوزى باسقارۋدى دامىتۋدىڭ نەگىزگى باعىتتارىنا سايكەس تامىز ايىندا سايلانعان اۋىلدىق, اۋداندىق ماڭىزداعى قالالىق وكرۋگتەردىڭ اكىمدەرىنىڭ قاتىسۋىمەن سەمينار-كەڭەس وتكىزىلدى. ونى كىرىسپە ءسوز ءسويلەپ اشقان وبلىس اكىمى ارحيمەد مۇحامبەتوۆ جاڭادان سايلانعان اكىمدەردىڭ وزدەرىنە كورسەتىلگەن سەنىمنىڭ ۇدەسىنەن شىعۋ ءۇشىن ۋاقىت تالابىنا ساي جۇمىس ىستەۋلەرى قاجەتتىگىن اتاپ كورسەتتى. ءوز جۇمىستارىندا قاتە قادامدارعا ۇرىنباۋ ءۇشىن ەلىمىزدىڭ زاڭدىلىقتارىن باسشىلىققا الا وتىرىپ, قۇقىقتىق ساۋاتتىلىققا قول جەتكىزۋ كەرەكتىگىن العا تارتتى. ءوڭىر باسشىسى جاڭادان سايلانعان جەرگىلىكتى بيلىك وكىلدەرىنىڭ الدىندا تۇرعان مىندەتتەرگە جان-جاقتى توقتالدى. ول, سونىمەن بىرگە, ەلباسىمىز نۇرسۇلتان نازارباەۆتىڭ جارلىعىمەن بەكىتىلگەن «قازاقستان رەسپۋبليكاسىندا جەرگىلىكتى ءوزىن ءوزى باسقارۋدى دامىتۋ تۇجىرىمداماسىنان» تۋىندايتىن ءمىندەتتەردى جۇزەگە اسىرۋدى بىلىكتىلىكپەن ءجۇرگىزگەندە عانا اكىمدەر مەن بۇقارا حالىقتىڭ اراسىنداعى ىنتىماقتىڭ بەكي تۇسەتىنىن جەتكىزدى.
ەلىمىزدە جەرگىلىكتى ءوزىن ءوزى باسقارۋدى دامىتۋدىڭ نەگىزگى باعىتتارىنا سايكەس تامىز ايىندا سايلانعان اۋىلدىق, اۋداندىق ماڭىزداعى قالالىق وكرۋگتەردىڭ اكىمدەرىنىڭ قاتىسۋىمەن سەمينار-كەڭەس وتكىزىلدى. ونى كىرىسپە ءسوز ءسويلەپ اشقان وبلىس اكىمى ارحيمەد مۇحامبەتوۆ جاڭادان سايلانعان اكىمدەردىڭ وزدەرىنە كورسەتىلگەن سەنىمنىڭ ۇدەسىنەن شىعۋ ءۇشىن ۋاقىت تالابىنا ساي جۇمىس ىستەۋلەرى قاجەتتىگىن اتاپ كورسەتتى. ءوز جۇمىستارىندا قاتە قادامدارعا ۇرىنباۋ ءۇشىن ەلىمىزدىڭ زاڭدىلىقتارىن باسشىلىققا الا وتىرىپ, قۇقىقتىق ساۋاتتىلىققا قول جەتكىزۋ كەرەكتىگىن العا تارتتى. ءوڭىر باسشىسى جاڭادان سايلانعان جەرگىلىكتى بيلىك وكىلدەرىنىڭ الدىندا تۇرعان مىندەتتەرگە جان-جاقتى توقتالدى. ول, سونىمەن بىرگە, ەلباسىمىز نۇرسۇلتان نازارباەۆتىڭ جارلىعىمەن بەكىتىلگەن «قازاقستان رەسپۋبليكاسىندا جەرگىلىكتى ءوزىن ءوزى باسقارۋدى دامىتۋ تۇجىرىمداماسىنان» تۋىندايتىن ءمىندەتتەردى جۇزەگە اسىرۋدى بىلىكتىلىكپەن ءجۇرگىزگەندە عانا اكىمدەر مەن بۇقارا حالىقتىڭ اراسىنداعى ىنتىماقتىڭ بەكي تۇسەتىنىن جەتكىزدى.
ۇستىمىزدەگى جىلعى 7 تامىزدا وبلىستا 149 قالالىق جانە اۋىلدىق وكرۋگتەر اكىمدەرى سايلاندى. ولاردىڭ اراسىندا 77 مۇعالىم, 22 اۋىل شارۋاشىلىعى قىزمەتكەرى, 18 ەكونوميست, 17 زاڭگەر, 14 ينجەنەر حالىق قالاۋلىلارىنىڭ, ياعني ەلدىڭ سەنىمىنە يە بولدى. بۇرىننان اكىمدىك قىزمەتتە كەلە جاتقان 112 ادام سايلاۋعا قاتىسىپ, ونىڭ 102-ءسى ورىنتاعىن ساقتاپ قالدى. جەرگىلىكتى اكىمدەر كورپۋسى 30 پايىزعا جاڭاردى. اۋىل اكىمدەرىنە جۇكتەلگەن قىزمەتتەردى زاڭدىلىقتارعا سايكەس بىلىكتىلىكپەن جانە ساپالى اتقارۋ ءۇشىن ورتالىق مەملەكەتتىك ورگاندار مەن وبلىس اكىمدىگىنىڭ شتاتتىق سانى قىسقارتىلىپ, سونىڭ ەسەبىنەن اۋىلدىق وكرۋگتەردىڭ قىزمەتكەرلەرى 264 بىرلىككە كوبەيتىلدى. بۇرىن بۇل اۋماقتا 562 ادام جۇمىس ىستەسە, ەندى ولاردىڭ سانى 864-كە جەتتى. وسىعان وراي جاڭادان قوسىلعان قىزمەتكەرلەردىڭ جۇمىسىن قامتاماسىز ەتۋ ءۇشىن رەسپۋبليكالىق جانە وبلىستىق بيۋدجەتتەردەن 155 ملن. تەڭگەدەن استام قاراجات بولىنگەن.
جاڭادان سايلانعان جەرگىلىكتى اكىمدەرگە ارنالعان سەمينار-كەڭەس ءبىر قاراعاندا ولارعا ءوز مىندەتتەرىن جۇزەگە اسىرۋدا جول كورسەتكەن زاڭدىلىق جانە قۇقىقتىق بىلىكتىلىك ساباعى ىسپەتتى بولدى. سەمينار-كەڭەستەن ولار كوپ نارسەنىڭ بايىبىنا بارىپ, ۇلكەن وي ءتۇيىپ قايتقانى ءسوزسىز. سەبەبى, وندا ايتىلعان ءماسەلەلەرمەن ولاردىڭ كۇندەلىكتى جۇمىستارىندا ۇدايى كەزدەسىپ وتىراتىنى دا جاسىرىن ەمەس.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
