مەملەكەت باسشىسى نۇرسۇلتان نازارباەۆ كەڭەس وداعىنىڭ باتىرى, حالىق قاھارمانى جانە قازاقستان رەسپۋبليكاسىنىڭ العاشقى قورعانىس ءمينيسترى ساعادات نۇرماعامبەتوۆتىڭ قايتىس بولۋىنا بايلانىستى وتباسى مەن تۋعان-تۋىستارىنا كوڭىل ايتۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆ كەڭەس وداعىنىڭ باتىرى, حالىق قاھارمانى جانە قازاقستان رەسپۋبليكاسىنىڭ العاشقى قورعانىس ءمينيسترى ساعادات نۇرماعامبەتوۆتىڭ قايتىس بولۋىنا بايلانىستى وتباسى مەن تۋعان-تۋىستارىنا كوڭىل ايتۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
نۇرسۇلتان نازارباەۆ ساعادات قوجاحمەت ۇلىنىڭ بۇكىل ءومىرى مەن قىزمەتى ءوز وتانى مەن حالقىنا ادال ءارى بەرىلە قىزمەت ەتۋدىڭ ۇزدىك ۇلگىسى ەكەنىن اتاپ وتكەن.
«جاستىق شاعى ۇلى وتان سوعىسىمەن تۇسپا-تۇس كەلگەن ول مايداندا فاشيستىك باسقىنشىلارعا قارسى ەرلىكپەن شايقاستى. ەرلىگى جوعارى مەملەكەتتىك ناگرادالارمەن اتاپ ءوتىلدى.
سوعىستان كەيىنگى ءومىرىن اسكەري قىزمەتكە ارناپ, مۇندا دا تالانتتى ساردار, تاماشا قولباسشى رەتىندە تانىلدى. ءوزىنىڭ بىلىكتىلىگى مەن تالاپشىلدىعىنا قوسا, قاراپايىمدىلىعىمەن جانە ادىلدىگىمەن ارىپتەستەرىنىڭ اراسىندا زور ابىروي مەن بەدەلگە يە بولدى.
ول ەل تاۋەلسىزدىگىنىڭ باستاپقى قيىن-قىستاۋ جىلدارىندا قازاقستان رەسپۋبليكاسىنىڭ العاشقى قورعانىس ءمينيسترى رەتىندە ەلىمىزدىڭ قارۋلى كۇشتەرىن قالىپتاستىرىپ, نىعايتۋعا ولشەۋسىز زور ۇلەس قوستى. سول سەبەپتى وعان حالىق قاھارمانى اتاعى بەرىلگەنىن ەرەكشە سەزىممەن ەسكە الامىن.
حالقىمىز ونىڭ ەڭبەگىن ەشقاشان ۇمىتپايدى, ال ونىڭ جارقىن ديدارى ءبىزدىڭ جادىمىزدا ءاردايىم ساقتالادى», – دەلىنگەن جەدەلحاتتا.
