بۇگىن الماتى قالاسى اكىمدىگىمەن بىرلەسىپ 8 جۇك كولىگىنە تيەلگەن 98 توننا ازىق-ت ۇلىك, قۇرىلىس ماتەريالدارى, كيىم-كەشەك جانە باسقا تۇرمىستىق زاتتار جونەلتىلدى.
«مەتالل پروم گرۋپپ» جشس اۋماعىندا جاساقتالعان كەرۋەن جولعا شىعار الدىندا قحا توراعاسىنىڭ ورىنباسارى جانسەيىت تۇيمەباەۆ اقجول تىلەپ, قايىرىمدىلىق كومەككە اتسالىسقان ەتنوس وكىلدەرىنە العىس ءبىلدىردى. سونىڭ ىشىندە الماتى وزبەك ەتنومادەني بىرلەستىگى, قازاقستان ۇيعىرلارىنىڭ رەسپۋبليكالىق ەتنومادەني بىرلەستىگىنىڭ فيليالى, الماتى قالالىق ۇيعىر ەتنومادەني بىرلەستىگى, قازاقستان دۇنگەن قوعامىنىڭ الماتىداعى فيليالى, سونداي-اق «احىسكا» تۇرىك ەتنومادەني بىرلەستىگى جانە باسقا دا ورتالىقتاردىڭ ەڭبەگىن ايرىقشا اتاپ ءوتتى.
جانسەيىت تۇيمەباەۆ ءوز سوزىندە قازاقستان حالقى اسسامبلەياسىنىڭ 4 مامىردا ماقتاارالداعى توتەنشە جاعدايعا بايلانىستى گۋمانيتارلىق كومەك كورسەتۋ اكتسياسىن باستاپ, ەتنو-مادەني بىرلەستىكتەردەن تۇسكەن قارجى كولەمى 23 ملن 325 مىڭ تەڭگەنى قۇراعانىن جەتكىزدى. الماتىدا 98 توننا كۇندەلىكتى تۇرمىسقا قاجەتتى بۇيىمدار مەن حيميالىق زاتتار, ازىق-ت ۇلىك جانە باسقا كەرەك-جاراق جينالسا, جامبىل وبلىسى قورداي اۋدانى 5 ملن 500 مىڭ تەڭگەگە ازىق-ت ۇلىك جونەلتكەن.
«ۆىنحۋا» دۇنگەن ەتنو-مادەني بىرلەستىگى جىبەرگەن 11 توننا ۇن, 2,5 توننا قانت, 2,5 توننا كۇرىش, 1,5 توننا ماكارون جانە 1500 ليتر وسىمدىك مايى, 5,3 توننا كارتوپ, 500 كەلى پياز, 300 كەلى تۇز, 1000 قوراپ ءشاي ونىمدەرى مەن 25 كەلى تۇرمىستىق-گيگيەنالىق زاتتاردى ماقتاارال اۋدانى قۋانا قابىلداپ الدى.
