باس قالادا كارانتين كەزىندەگى تالاپتار جەڭىلدەگەنىمەن, تۇرعىندارعا ەركىنسۋگە ءالى ەرتە. بۇگىندە ەلوردا دا كوروناۆيرۋس ينفەكتسياسىنىڭ 1074 جاعدايى تىركەلدى. 1134 ناۋقاس ستاتسيوناردا جاتىر. 404 ادام ەمدەلىپ شىقسا, ىندەتتەن 3 ادام كوز جۇمدى.
– قالانىڭ تىنىس-تىرشىلىگىن قامتاماسىز ەتەتىن بىرقاتار كاسىپورىننىڭ عانا قىزمەتىنە رۇقسات ەتىلەدى. قالا شەكاراسىنداعى بلوك-بەكەتتەر دە جۇمىسىن جالعاستىرادى. كارانتين كەزىندە 98 وبەكتى جابىلعان بولاتىن. ەندى ونىڭ 66-سى اشىلماق. قالعاندارى الداعى ۋاقىتتا ىسكە قوسىلادى, – دەيدى نۇر-سۇلتان قالاسى اكىمىنىڭ ورىنباسارى باقتيار ماكەن.
سپيكەردىڭ ايتۋىنشا, ساياباقتارعا, الاڭدارعا جانە ويىن-ساۋىق وبەكتىلەرى جوق جاعالاۋلارعا بىرلەسىپ 3 ادامعا دەيىن نەمەسە بەتپەردە كيىپ وتباسى مۇشەلەرىمەن بارۋعا بولادى. سونداي-اق كۇشەيتىلگەن سانيتارلىق-دەزينفەكتسيالىق رەجىمدى ساقتاي وتىرىپ, شاعىن ساۋدا ورتالىقتارى جۇمىسىن جالعاستىرا بەرمەك. نۇر-سۇلتانعا كىرۋ قىزمەتتى قايتا باستاۋعا رۇقسات ەتىلگەن كاسىپورىنداردا جۇمىس ىستەيتىن ماماندار ءۇشىن اشىق. اقمولا, پاۆلودار وبلىستارىنىڭ اكىمدەرى كارانتين ايماعىندا جۇمىس ىستەيتىن جاقىن اۋدان ازاماتتارىنىڭ ءتىزىمىن قالىپتاستىرادى جانە «سەرگەك – بلوك-بەكەت» جۇيەسىنە ەنگىزۋ ءۇشىن اكىمدىكتىڭ جەدەل شتابىنا ۇسىنادى.
– مەكەمەدە ءبىر مەزگىلدە بىرنەشە ادام بولماۋى كەرەك جانە ولاردىڭ بارلىعى بەتپەردە تاققانى ءجون. قىزمەتكەر مەن كليەنتتىڭ اراسى 2 مەتردەن كەم بولماۋى ءتيىس. سونىمەن قاتار پەرسونال مەن كليەنتتىڭ تىكەلەي بايلانىسىن بارىنشا شەكتەۋ كەرەك. تۇرمىستىق تەحنيكا ساتاتىن ءىرى دۇكەندەر مەن باۋ-باقشا ماۋسىمىنا قاتىستى كەرەك-جاراق دۇكەندەرىندە دە مەديتسينالىق پۋنكتتەردىڭ بولۋى مىندەتتى, مەديتسينالىق قىزمەتكەرلەردى ءار اۋىسىم سايىن تەكسەرىپ وتىرۋى شارت. كليەنت پەن قىزمەتكەر اراسىندا اراقاشىقتىق ساقتالۋى كەرەك, – دەيدى ب.ماكەن.
ءباسپاسوز ءماسليحاتى بارىسىندا مەملەكەتتىك الەۋمەتتىك شارالارمەن قاتار, ەلباسىنىڭ باستاماسىمەن باستالعان ء«بىز بىرگەمىز!» اكتسياسىنىڭ اياسىندا اتقارىلعان جۇمىستار دا ايتىلدى. اتاپ ايتساق, الەۋمەتتىك وسال توپقا جاتاتىن 42500 وتباسىنا Nur Otan پارتياسىنان 50 مىڭ تەڭگەدەن الەۋمەتتىك كومەك بەرىلگەن. بيزنەسمەندەر مەن قايىرىمدى ازاماتتاردىڭ كۇشىمەن 17 مىڭ توننا ازىق-ت ۇلىك جيىنتىعى تاپسىرىلىپ, وعان قالالىق شتابتان 500 ەرىكتى جۇمىلدىرىلعان.
