ايماقتار • 11 مامىر، 2020

تاراز: 10 مىڭعا جۋىق ماسكانى تەگىن تىككەن قىز-كەلىنشەكتەر ماراپاتتالدى

33 رەت كورسەتىلدى

الەمدى ابىگەرگە سالعان كوروناۆيرۋس ىندەتىنىڭ الدىن-الۋ ماقساتىندا ەلىمىزدىڭ ءاربىر وڭىرىندە ءتيىستى شارۋالار قولعا الىنىپ، بىرقاتار شارالار قابىلدانعان بولاتىن. قاراپايىم حالىقتى قاۋىپتى ىندەتتەن قۇتقارۋ، ولاردى قولداۋ ماقساتىندا كوپشىلىك قولدان كەلگەن كومەكتەرىن دە ۇيىمداستىرعان ەدى.

بۇل رەتتە تاراز قالاسى اكىمدىگىنىڭ باستاماسىمەن جانە كاسىپكەرلەردىڭ قولداۋىمەن كارانتين كەزىندە كوپشىلىككە ازىق-ت ۇلىك تاراتىلىپ، تۇرعىندار قاجەتتى تاۋارلارمەن قامتىلدى. سونىمەن قاتار، مىڭداعان مەديتسينالىق ماسكالار تەگىن تاراتىلدى.

 كوپشىلىكتى كوروناۆيرۋس ىندەتىنەن قورعاۋ جۇمىسىنا تارازدىق قىز-كەلىنشەكتەر دە وزىندىك ۇلەسىن قوسقان بولاتىن. تارازدىق 30 قىز-كەلىنشەك مەديتسينالىق ماسكا تىگۋگە تەگىن اتسالىسىپ، ناتيجەسىندە 10 مىڭعا جۋىق بەتپەردە تىگىلدى. ولار تۇرعىنداردىڭ قاۋىپسىزدىگىن ساقتاۋ ماقساتىندا تەگىن تاراتىلىپ بەرىلگەن ەدى. بۇگىن تاراز قالاسىنىڭ اكىمى ايتقازى قارابالاەۆ قالانىڭ قوعامدىق ومىرىنە بەلسەنە ارالاسىپ، توتەنشە جاعداي كەزىندە تەگىن مەديتسينالىق ماسكا تىگۋگە اتسالىسقان قىز-كەلىنشەكتەرگە العىس ءبىلدىردى. شاھار باسشىسىنىڭ العىس حاتىن قالالىق ىشكى ساياسات ءبولىمىنىڭ باسشىسى ۇلانا سلامبەكوۆا ءاربىر قىز-كەلىنشەكتىڭ ۇيىنە بارىپ، تابىستادى. ال، تارازدىق نازىكجاندىلار قالا اكىمىنە ريزاشىلىعىن بىلدىرە كەلىپ، وسىنداي قيىن كەزەڭدە كوپشىلىككە قولدان كەلگەن كومەگىن بەرۋ ءاربىر ازاماتتىڭ بورىشى ەكەنىن جەتكىزدى.

 

جامبىل وبلىسى

سوڭعى جاڭالىقتار

ارىپتەستىك الەۋەتى جەمىس بەرۋدە

ايماقتار • بۇگىن، 19:21

قالامگەرگە قۇرمەت

رۋحانيات • بۇگىن، 18:13

الماتى «قىزىل» ايماققا كىردى

ايماقتار • بۇگىن، 16:50

اقتاۋدا بۋىنسىز بالا تۇرادى

ۆيدەو • بۇگىن، 16:04

iPhone 12 دەنساۋلىققا زيان دەپ تانىلدى

تەحنولوگيا • بۇگىن، 15:38

ۇقساس جاڭالىقتار