- ءبىزدىڭ ماماندار كەنەگە ادەتتە مامىر-ماۋسىم ايلارىندا مونيتورينگ جۇرگىزەدى. ويتكەنى بۇل كەزەڭدە جاندىكتەردىڭ بەلسەندىلىگى ارتا تۇسەدى. تولىققاندى زەرتتەۋ جۇرگىزۋ ءۇشىن ماماندار كەم دەگەندە 500 جاندىك ۇستايدى. جىلدا كوكتەم شىعا بالالاردىڭ جازعى دەمالىس ورىندارىنا, قالا تۇرعىندارى شوعىرلاناتىن ساياباق, جاعاجاي ماڭدارىنا كەنەگە قارسى زالالسىزداندىرۋ جۇمىستارىن جۇرگىزەتىن ەدىك. بيىل كارانتينگە بايلانىستى بۇل جۇمىس اتقارىلعان جوق. بىراق اۋىلدىق جەردەردە تۇراتىن مالشىلارى, ورمان شارۋاشىلىعى جۇمىسشىلارى مەن ۆاحتالىق كەزەكپەن جۇمىس ىستەپ جۇرگەندەرگە جوسپارلى تۇردە كەنە ەنتسەفاليتىنە قارسى ەگۋ شارالارى جۇرگىزىلەدى, - دەدى ەپيدەميولوگيالىق باقىلاۋ ءبولىمىنىڭ باس مامانى يرينا انتونوۆا.
باس ماماننىڭ ايتۋىنشا, ايماقتا سوڭعى 10-15 كۇن ىشىندە 35 ادامدى كەنە شاققان. دارىگەر كومەگىنە جۇگىنگەندەردىڭ جارتىسىنا جۋىعى 14 جاسقا دەيىنگى بالالار. كەنە شاعىپ دارىگەر كومەگىنە جۇگىنگەندەر اراسىندا, قازىرشە, ەنتسەفاليت انىقتالماعان. دەگەنمەن ماماندار تۇرعىنداردى اسا اباي بولۋعا شاقىرادى. كەنە شاققان ادام دەرەۋ دارىگەرگە قارالماسا, اسقىنعان اۋرۋ داۋاسىز دەرتكە ۇلاسۋى مۇمكىن.
قوستاناي وبلىسى
