قازاقستاندىق رەجيسسەر ەرمەك تۇرسىنوۆتىڭ «شال» ءفيلمى حالىقارالىق «كينوشوك-2013» كينوفەستيۆالىندە باس جۇلدەنى جەڭىپ الدى. اتالمىش كارتينانىڭ بۇل فەستيۆالدەگى جۇلدەسى مۇنىمەن شەكتەلمەيدى. وندا ويناعان اكتەر ەربولات توعىزاقوۆ ۇزدىك ەر ادامنىڭ ءرولى نوميناتسياسى بويىنشا ماراپاتقا يە بولدى.
قازاقستاندىق رەجيسسەر ەرمەك تۇرسىنوۆتىڭ «شال» ءفيلمى حالىقارالىق «كينوشوك-2013» كينوفەستيۆالىندە باس جۇلدەنى جەڭىپ الدى. اتالمىش كارتينانىڭ بۇل فەستيۆالدەگى جۇلدەسى مۇنىمەن شەكتەلمەيدى. وندا ويناعان اكتەر ەربولات توعىزاقوۆ ۇزدىك ەر ادامنىڭ ءرولى نوميناتسياسى بويىنشا ماراپاتقا يە بولدى.
كينوفەستيۆال 15-22 قىركۇيەك كۇندەرى رەسەيدىڭ اناپا قالاسىندا ءوتتى. وعان لاتۆيا, ليتۆا جانە ەستونيا سىندى ەلدەردىڭ تاڭداۋلى كينوتۋىندىلارى قاتىستىرىلدى. سولاردىڭ اراسىنان ۇزدىك رەجيسسەر اتالىمى «بۇل مەن ەمەسپىن» دەپ اتالاتىن لەنتانى قويۋشى ماريا سااكيانعا بەرىلدى. وسى ءفيلمنىڭ وپەراتورى مكو مالحاسيان ءوز سالاسىندا وزىپ شىقتى. ەستونيانىڭ «ءتىرى سۋرەتتەر» اتتى كارتيناسى «ۇزدىك ستسەناري» جانە «ۇزدىك ايەل ءرولى» نوميناتسيالارىنا قول جەتكىزدى. ال قىرعىز رەجيسسەرى تەمىر ءبىرنازاروۆتىڭ «قۇمارلىق» ءفيلمى «كينوداعى ازاماتتىق ءجانە ەستەتيكالىق پوزيتسيانىڭ باتىلدىعى ءۇشىن» ارنايى سىيلىعىن يەلەندى.
ەندى «شال» ءفيلمى جونىندە بىرەر ءسوز. ول امەريكالىق تانىمال جازۋشى ەرنەست حەمينگۋەيدىڭ «شال مەن تەڭىز» حيكاياتىنىڭ جەلىسى نەگىزىندە, قازاق تۇرمىسىنا بەيىمدەلىپ تۇسىرىلگەن. ونىڭ وقيعاسى قازىرگى زامانعى قازاقستاننىڭ اۋىلدىق جەرىندە وتەدى. باس كەيىپكەر رەتىندە كورىنەتىن قاريا دالادا قوي جايىپ ءجۇرىپ اداسادى. اۋىلعا باراتىن جول تابامىن دەپ ءجۇرىپ, بىرنەشە رەت قاسقىرلاردىڭ ۇيىرىنە تاپ بولادى. وسى كەزدە شالدىڭ نەمەرەسى ونى ىزدەپ, جولعا شىعادى...
ءفيلمنىڭ تۇساۋكەسەرى 2012 جىلعى 11 قازاندا وتكىزىلدى. بىلتىر ول الماتىدا وتكەن «جىل تاڭداۋى» فەستيۆالىندە «جىل فيلمى» اتاندى. سول سياقتى قازاقستاندا جىلدىڭ ۇزدىك ءفيلمى رەتىندە «قۇلاگەر» سىيلىعىن العان بولاتىن.
مۇرات ايتقوجا.
