سۋرەت: novate.ru
ونىڭ قالپى دوڭگەلەك بولعاندىقتان مۇلدە جاڭا فورم-فاكتورعا يە بولىپ وتىر. سمارتفوندى جاساۋشىلار قاراپايىم كومپاس ونى جاساۋعا تۇرتكى بولعانىن جانە ونىڭ فورماسى نەگىزگە الىنعانىن ايتادى.
قۇرىلعىدا بارلىق اقپاراتتىڭ ءبىر تەرەزەگە شوعىرلاندىرۋى قىزىعۋشىلىق تۋدىراتىنىنا كونتسەپت اۆتورلارى سەنىمدى. ساعات تەك ۋاقىتتى عانا كورسەتپەيدى, ول ارقىلى الەۋمەتتىك بەلسەندىلىكتى دە باسقارۋعا بولادى. ناۆيگاتور رەتىندە جۇمىس ىستەمەۋى مۇمكىن, بىراق كومپاس رەتىندە قىزمەت ەتە الادى. نە ايتىپ كەتتى دەمەڭىز. وسىندا ءبىراز جىلدار بۇرىن عانا تەلەفوننىڭ بەتىن سيپاپ وتىراسىز دەسە, سەنەر مە ەدىڭىز؟ البەتتە, جوق. ال, قازىر سمارتفون ديسپلەيىنىڭ بەتىن سيپامايتىن ادام جوقتىڭ قاسى بولىپ بارادى.
سمارتفوننىڭ ەڭ تارتىمدى جەرى - ول ادامدى بارىنشا ينتەرنەت-تاۋەلدىلىكتەن بىرتىندەپ بوساتۋ. بۇل ءبىر قاراعاندا تۇسىنىكسىز كورىنۋى مۇمكىن. بىراق بولاشاقتا جۇزەگە اساتىن كەرەمەت يدەيا بولماقشى. قازىرگى تاڭدا كەز كەلگەن ادام ينتەرنەتكە بايلانىپ, ۆيرتۋالدى ءومىر قۇربانىنا قالاي اينالىپ بارا جاتقانىمىزدى سەزبەۋدەمىز. بالالار مەن جاس جەتكىنشەكتەر ءۇشىن بۇل تاقىرىپ تىپتەن قيىن ماسەلە بولىپ وتىرعانىن ءبارىمىز دە بىلەمىز.
كامەراسى مۇلدە قىزىق جۇمىس ىستەيدى. ونىڭ ينتەرفەيسى دوڭگەلەك بولماقشى. سۋرەتكە تۇسىرەتىن بەينەڭىزدى جاقىنداتۋ, الىستاتۋ نەمەسە فوكۋسقا الۋ ءۇشىن سمارتفونعا جاناسپاي-اق اۋادا وبەكتيۆ بۇراعانداي قيمىلدار جاساساڭىز بولعانى. ارتىنان ەكراندى تۇرتە سالىپ, سۋرەتكە شىرت ەتكىزىپ تۇسىرەسىز. وسىنداي ادىسپەن داۋىسىن رەتتەي الاسىز. مۇنىڭ بارلىعى اكسەلەرومەتر جانە گيروسكوپ سياقتى داتچيكتەر ارقىلى جۇزەگە اسادى.
گادجەت Firefox OS وپەراتسيالىق جۇيەسىمەن باسقارىلادى. اتالمىش جۇيە كەڭ تارالماعانمەن بولاشاقتا ونىڭ قولدانۋ كەڭىستىگى ابدەن ارتۋى مۇمكىن.
ءبىر قاراعاندا ءبارى قيال-عاجايىپ دۇنيە سياقتى كورىنگەنمەن قازىرگى تەحنولوگيانىڭ كۇن ساناپ ەمەس, ساعات ساناپ دامىعان زامانىندا جاقىن ارادا بۇل شىندىققا اينالاتىنى ءسوزسىز.
