تاسقىن سۋدان زارداپ شەككەندەرگە كومەك رەتىندە وبلىستىڭ اۋداندارىنان بولەك, نۇر-سۇلتان, الماتى, شىمكەنت قالالارىنان, جامبىل, قىزىلوردا, پاۆلودار وبلىستارىنان ءتۇرلى قوعامدىق ۇيىمدار مەن قايىرىمدىلىق قورلارىنان جانە جەكەلەگەن كاسىپكەرلەردەن گۋمانيتارلىق كومەكتەر جەتكىزىلدى. ونىڭ ىشىندە ازىق-ت ۇلىك, جەكە باس گيگيەناسىنا ارنالعان زاتتار جانە كيىم-كەشەكتەر دە بار. «قازىرگى تاڭدا ماقتاارال جانە جەتىساي اۋداندارىندا 10 ەۆاكۋتسيالىق بەكەت جۇمىس ىستەپ تۇر. مۇندا 3700-دەن استام ادام ورنالاسقان. قويماعا جينالعان تاۋارلار سۇرانىسقا بايلانىستى سول پۋنكتتەردەگى جانە تۋىستارىنىڭ ءۇيىن پانالاپ جاتقان ازاماتتارعا جۇيەلەنگەن تارتىپتە تاراتىلۋدا», دەيدى Nur Otan پارتياسى وبلىستىق فيليالى توراعاسىنىڭ ءبىرىنشى ورىنباسارى, توتەنشە جاعدايلار بويىنشا گۋمانيتارلىق كومەكتەردى ۇيلەستىرۋشى بەيسەن تاجىباەۆ.
گۋمانيتارلىق كومەكتىڭ كوپتەپ كەلۋىنە بايلانىستى ەكىنشى قويما بەلگىلەنىپ, ازىق-ت ۇلىكتەر سوندا جيناقتالۋدا. قويماعا جاۋاپتى, وبلىستىق ارداگەرلەر كەڭەسى توراعاسىنىڭ ءبىرىنشى ورىنباسارى كەنجەحان تولەباەۆتىڭ ايتۋىنشا, گۋمانيتارلىق كومەكتەر الداعى ەكى-ءۇش ايعا جەتۋى ءتيىس. پۋنكتتەردەن بولەك, جەكەلەگەن تۋىستارىنىڭ ۇيىندە جاتقان تۇرعىندار ءۇشىن اتاكەنت ەلدى مەكەنىندە ەكى تاراتۋ ورىندارى جۇمىس ىستەۋدە.
تۇركىستان وبلىسى
