«نۇر وتان» پارتياسىنىڭ XV سەزىنە دەلەگاتتار ءتىزىمىن پارتيا توراعاسى ن.ءا.نازارباەۆ باستادى
كەشە «نۇر وتان» حدپ استانا قالالىق فيليالىنىڭ XVIII كونفەرەنتسياسىندا ەلباسى, «نۇر وتان» پارتياسىنىڭ ءتوراعاسى ن.ءا.نازارباەۆ پارتيانىڭ XV سەزىنىڭ العاشقى دەلەگاتى بولىپ سايلاندى.
«نۇر وتان» پارتياسىنىڭ XV سەزىنە دەلەگاتتار ءتىزىمىن پارتيا توراعاسى ن.ءا.نازارباەۆ باستادى
كەشە «نۇر وتان» حدپ استانا قالالىق فيليالىنىڭ XVIII كونفەرەنتسياسىندا ەلباسى, «نۇر وتان» پارتياسىنىڭ ءتوراعاسى ن.ءا.نازارباەۆ پارتيانىڭ XV سەزىنىڭ العاشقى دەلەگاتى بولىپ سايلاندى.
كەشە استانادا «نۇر وتاننىڭ» قالالىق پارتيا كونفەرەنتسياسى وتكىزىلدى. وندا «قازاقستان-2050» ستراتەگياسىن جۇزەگە اسىرۋداعى «نۇر وتان» پارتياسىنىڭ جاڭا ءمىندەتتەرى, «نۇر وتان. نۇرلى بولاشاق جولىندا!» جاڭا ساياسي دوكتريناسى تالقىلاندى.
ءىس-شاراعا «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك, استانا قالاسىنىڭ اكىمى, پارتيانىڭ استانا قالالىق فيليالىنىڭ ءتوراعاسى يمانعالي تاسماعامبەتوۆ, پارلامەنت سەناتىنىڭ دەپۋتاتى ۆلاديمير رەدكوكاشين, پارلامەنت ءماجىلىسىنىڭ دەپۋتاتى نادەجدا پەتۋحوۆا, استانا قالالىق ءماسليحاتىنىڭ دەپۋتاتتارى, قالالىق فيليال باستاۋىش پارتيا ۇيىمدارىنىڭ توراعالارى, پارتيا اكتيۆى, «جاس وتان» جاستار قاناتىنىڭ استانا قالاسىنداعى جاس بەلسەندىلەرى قاتىستى.
استاناداعى پارتيالىق كونفەرەنتسيا رەسپۋبليكا كولەمىندە «نۇر وتاننىڭ» XV سەزىنە دەلەگاتتار سايلاعان العاشقى وڭىرلىك كونفەرەنتسيا بولدى. وسىنداي كونفەرەنتسيالار قازاقستاننىڭ بارلىق وڭىرلەرىندە وتكىزىلەدى دەپ جوسپارلانعان جانە اپتا سوڭىندا سەزد دەلەگاتتارىنىڭ قورىتىندى ءتىزىمى قالىپتاستىرىلاتىن بولادى.
جالپى, استانا قالالىق فيليالىنان پارتيا سەزىنە 100 دەلەگات سايلاندى. العاشقى دەلەگات رەتىندە ەلباسى, «نۇر وتان» پارتياسىنىڭ توراعاسى ن.ءا.نازارباەۆ سايلاندى.
كونفەرەنتسياعا قاتىسۋشىلار كەشە سونداي-اق, «نۇر وتاننىڭ» جاڭا ساياسي دوكتريناسىنىڭ جوباسىن تالقىلادى. ونىڭ ءىشىندە قازاقستان پرەزيدەنتىنىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي جيىرما قادام» باعدارلامالىق ماقالاسىنا بايلانىستى ەڭبەك ادامى ۇعىمىن كۇشەيتۋگە قاتىستى ۇسىنىستار كەلىپ ءتۇستى. سونىمەن قاتار, قاتىسۋشىلاردىڭ پىكىرىنشە, پارتيانىڭ ستراتەگيالىق قۇجاتى, ەڭ الدىمەن, قازاقستاندىقتاردىڭ ءوسكەلەڭ ۇرپاعىنا ۇيلەستىرىلگەن بولۋى كەرەك.
كونفەرەنتسيا بارىسىندا تاعى ءبىر كوتەرىلگەن ماسەلە №2 سايلاۋ وكرۋگى بويىنشا «نۇر وتان» قالالىق فيليالى تاراپىنان ءماسليحات دەپۋتاتتىعىنا كانديداتتار ۇسىنۋ ماسەلەلەرى قاراستىرىلادى.
2013 جىلعى 18 قازاندا «نۇر وتان» پارتياسىنىڭ XV سەزى وتكىزىلەدى. دەلەگاتتار سانى ەكى ەسەگە ۇلعايىپ, قازاقستاننىڭ بارلىق وڭىرلەرىنەن 1200-گە جۋىق ادام قاتىسادى. سەزد ەكى كۇنگە جالعاسادى: العاشقى كۇنى سەكتسيالىق تالقىلاۋلار, ەكىنشى كۇنى, 18 قازاندا پارتيا كوشباسشىسى ن.نازارباەۆتىڭ توراعالىق ەتۋىمەن پلەنارلىق ءماجىلىس وتكىزىلەدى.
ءلايلا ەدىلقىزى,
«ەگەمەن قازاقستان».
