اتىراۋ: ماس ايەل 555 600 تەڭگە ايىپپۇل تولەيدى

– اتىراۋ قالاسىنىڭ مامانداندىرىلعان اكىمشىلىك سوتىندا  قر اكىمشىلىك قۇقىق بۇزۋىشىلىق تۋرالى كودەكستىڭ 608-بابىنىڭ 8-بولىگى جانە 476-بابىنىڭ 6-تارماعىمەن جول اپاتىن جاساعان ازاماتشاعا  قاتىستى اكىمشىلىك ءىس قارالدى.  سوتتا انىقتالعانداي، قۇقىق بۇزۋشىنىڭ كولىك قۇرالىن باسقارۋ قۇقىعى بولماعان. بىراق، ول  3 مامىردا ساعات  18:50  شاماسىندا الكوگولدىك ماساڭ كۇيدە «MERCEDES BENZ 124» ماركالى اۆتوكولىگىن باسقارىپ كەلە جاتىپ، اتىراۋ قالاسىنداعى مامەك ۇلى كوشەسى بويىندا «MITSUBISHI OUTLANDER 2.4» ماركالى كولىگىمەن  سوقتىعىسقان. سونىمەن قاتار، ازاماتشا  توتەنشە جاعدايدىڭ جاريالانۋىنا بايلانىستى تۇرعىلىقتى مەكەنجايدان شىعۋعا تىيىم سالىنعان شەكتەۋدى بۇزعان، -دەپ حابارلادى وبلىستىق سوتتىڭ ءباسپاسزو قىزمەتى.

جول اپاتىن جاساعان ايەلگە قاتىستى سوت وتىرىسى ونلاين رەجيمدە ءوتتى. سوتتا  قۇقىق بۇزۋشى ءوز كىناسىن مويىنداعانمەن، كامەلەتكە تولماعان ءتورت بالاسى بارىن العا تارتىپتى. بىراق، كولىگى ب ۇلىنگەن جابىرلەنۋشىگە  زالالدى وتەمەگەنى انىقتالىپ وتىر.  

سوت قاۋلىسىمەن قۇقىق بۇزعان ازاماتشا كىنالى دەپ تانىلدى. ءسويتىپ، وعان قر اكىمشىلىك قۇقىق بۇزۋىشىلىق تۋرالى كودەكستىڭ 608-بابىنىڭ 8-بولىگىمەن  555 600 تەڭگە اكىمشىلىك ايىپپۇل سالىندى. سونىمەن بىرگە، اتالعان كودەكستىڭ 476-بابىنىڭ 6-تارماعىمەن ەسكەرتۋ تۇرىندەگى جازا قولدانىلدى.

مۇنداي  جازادان  الكوگولدىك ىشىمدىككە اۋەس ايەل ساباق الا ما؟..