ايماقتار • 08 مامىر، 2020

الماتىدان تۇركىستانعا كومەك جۇگىن ارتقان كولىكتەر جولعا شىقتى

48 رەت كورسەتىلدى

وڭتۇستىك تۇرعىندارىنىڭ باسىنا ايدىڭ امان، كۇننىڭ جىلى كەزىندە تۇسكەن تاۋقىمەت حالىقتى قاتتى الاڭداتىپ قانا قويماي، ەلىمىزدىڭ ءار تۇكپىرىنەن كومەك پەن قولداۋ كورسەتىلىپ جاتىر. مۇنداي كەزدە الماتىلىقتار دا قول قۋسىرىپ وتىرماستان، بۇگىن تۇركىستان وبلىسى ماقتارال اۋدانىنا 70 مىڭ توننادان استام گۋمانيتارلىق جۇك ارتقان كولىكتەرىن اتتاندىردى.

تۇركىستان وبلىسى ماقتارال اۋدانىندا توتەنشە جاعدايدىڭ جاريالانۋىنا بايلانىستى قر پرەزيدەنتى ق.ك.توقاەۆتىڭ بۇيرىعىمەن سۋ تاسقىنىنان زارداپ شەككەندەرگە جان-جاقتى كومەك كورسەتۋدە بىرقاتار شارالار قابىلدانىپ جاتقانى بەلگىلى.

الماتى قالاسىنىڭ اكىمى، «Nur Otan» پارتياسىنىڭ قالالىق فيليالىنىڭ توراعاسى باقىتجان ساعىنتاەۆتىڭ بۇيرىعىمەن سوڭعى كۇندەرى ءبىراز گۋمانيتارلىق كومەك جينالدى. بۇل  باستاماعا پارتيانىڭ دەپۋتاتتىق فراكتسيا مۇشەلەرى – دەپۋتاتتار، قاتارداعى پارتيا مۇشەلەرى مەن بارلىق كومەكتەسكىسى كەلەتىن ازاماتتار دا ءۇن قاتتى.

بۇگىن باق وكىلدەرىنىڭ قاتىسۋىمەن «BizBirgemiz» اكتسياسىنىڭ اياسىندا الماتى قالاسىنىڭ اكىمدىگى جانە «Nur Otan» پارتياسىنىڭ قالالىق فيليالى گۋمانيتارلىق كومەكتى وڭتۇستىككە قاراي شىعارىپ سالدى.

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار