بيىل ايماقتا تۇڭعىش رەت ونلاين رەجىمدە «قاھارمان ۇلت» اكتسياسى وتەدى. شارا اياسىندا 9 مامىر كۇنى ساعات 9.30-دان 12.00-گە دەيىن «قازاقستان-قوستاناي», «الاۋ», «قوستاناي كابەلدى جۇيەسى» تەلەارنالارى ارقىلى وتان سوعىسىنىڭ ارداگەرلەرى مەن تىل ەڭبەككەرلەرىنىڭ فوتوسۋرەتتەرى كورسەتىلەدى. اكتسياعا ات سالىسقىسى كەلەتىندەر مايدانگەر اتالارىنىڭ كولەمى 3*4 سم بولاتىن فوتوسۋرەتىنىڭ استىنا ارداگەردىڭ اتى-ءجونىن جازىپ جىبەرۋى كەرەك.
«قاhارمان ۇلت» اكتسياسىنا قاتىسۋشىلاردىڭ فوتوسۋرەتتەرى بۇگىننەن باستاپ 9 مامىر ساعات 11.30-عا دەيىن Whatsapp 8-701-941-75-75 ءنومىرى ارقىلى قابىلدانادى.
سونداي-اق پوليتسيا دەپارتامەنتى 9 مامىردا جەڭىس ساياباعىندا ءتارتىپ كۇشەيتىلەتىنىن ەسكەرتەدى. بۇل كۇنى ساياباققا شىعىپ داستارقان جايىپ, ىشىمدىك ىشكەن تۇرعىندار اكىمشىلىك جاۋاپكەرشىلىككە تارتىلادى. پوليتسيا زەينەتكەر قاريالارعا دا دەنىنىڭ ساۋلىعىن كۇتىپ, ۇيدە وتىرۋعا كەڭەس بەرەدى.
بيىل جەڭىستىڭ 75 جىلدىعىنا ارنالعان مەرەكەلىك شارالار جىل بويى وتەتىن بولادى, - دەپ حابارلادى قوستاناي وبلىسىنىڭ ىشكى ساياسات باسقارماسى.
قوستاناي وبلىسى
