5 مامىردا كۇندىز تۇركىستان وبلىسىنىڭ اۋماعىنداعى سۋ تاسقىنى سالدارىن جويۋ ءۇشىن وڭىرلەردەگى توتەنشە جاعدايلار دەپارتامەنتتەرىنەن قۇرامىندا 116 ادام, 58 بىرلىك تەحنيكا, ءجۇزۋ قۇرالدارى جانە موتوپومپالار بار قوسىمشا كۇش جىبەرىلدى. ونىڭ ىشىندە شىمكەنت قالاسى – 21 ادام, 10 بىرلىك تەحنيكا, موتوپومپ, جامبىل وبلىسى – 50 ادام, 27 بىرلىك تەحنيكا, ءجۇزۋ قۇرالدارى, موتوپومپالار جانە قىزىلوردا وبلىسى 45 ادام, 21 بىرلىك تەحنيكا, ءجۇزۋ قۇرالدارى جانە موتوپومپالار جىبەردى.
بۇعان قوسا 6 مامىردا تاڭەرتەڭ شىمكەنت قالاسى جانە تۇركىستان وبلىسى تجد جەكە قۇرامىمەن 6 تىركەمەلى موتوپومپا قوسىمشا كۇشتەر مەن قۇرالدار جىبەردى.
الماتى قالاسىنان ۇلتتىق ۇلان اسكەري ءبولىمىنىڭ 160 ادامنان جانە 15 تەحنيكادان تۇراتىن كۇشى تۇندە شىمكەنت قالاسىنا كەلىپ جەتىپ, قازىر وقيعا ورنىنا بارا جاتىر.
ءىىم-ءنىڭ كەلىپ جەتكەن كۇشتەرى مەن قۇرالدارىنىڭ جالپى سانى جەكە قۇرامنان 335 ادام, 112 بىرلىك تەحنيكا, ءجۇزۋ قۇرالدارى مەن موتوپومپادان تۇرادى.
5 مامىردا كەشكە شىمكەنت قالاسىنان, قىزىلوردا جانە جامبىل وبلىستارىنان كەلىپ جەتكەن تجك كۇشتەرى مەن قۇرالدارى قۇتقارۋشىلاردى ورنالاستىرۋ ءۇشىن لاگەر ورناتتى.
وتكەن تاۋلىكتە كەلىپ جەتكەن جامبىل, قىزىلوردا وبلىستارى مەن شىمكەنت قالاسى تجد كۇشتەرى 2 ملن. جۋىق تەكشە مەتر سۋ سورىپ شىعاردى. قوعالى, نۇرلى جول, فەردوۋسي, ىرىستى, قاراقىر, ورگەباس ەلدى مەكەندەرىندە ۇزىندىعى 15 شاقىرىم بوگەتتى نىعايتىپ, 85600 قۇم سالىنعان قاپ توسەدى. قوسىمشا تارتىلعان ينجەنەرلىك تەحنيكا مىرزاكەنت كەنتىندە شاتىرلى قالاشىقتا ورنالاسقان. ءاربىر 2 ساعات سايىن سۋ دەڭگەيىنە مونيتورينگ جۇرگىزىلەدى, جەدەل شتابتىڭ تۇراقتى باقىلاۋىندا. سۋ باسقان ۋچاسكەلەر مەن قاۋىپتى ەلدى مەكەندەر ايماقتارىنىڭ احۋالدىق كارتاسى ازىرلەندى.
جەدەل شتاب مىرزاكەنت ەلدى مەكەنىندە اۋداندىق اكىمدىك عيماراتىندا ورنالاسقان. شتابتا قر ءىىم تجك جانە ۇلتتىق ۇلاننىڭ, قر ۇقك شق, تۇركىستان وبلىسىنىڭ تجد, تۇركىستان وبلىسىنىڭ پوليتسيا دەپارتامەنتىنىڭ وكىلدەرى جۇمىس ىستەيدى.
اۆاريالىق-قۇتقارۋ جانە كەزەك كۇتتىرمەيتىن جۇمىستاردى جۇرگىزۋگە ىشكى ىستەر, قورعانىس مينيسترلىكتەرىنىڭ جانە جەرگىلىكتى اتقارۋشى ورگانداردىڭ 986 ادام, 180 بىرلىك تەحنيكا مەن 4 ءجۇزۋ قۇرالى جۇمىلدىرىلدى. جويۋ جۇمىستارىنا قۇتقارۋشىلار, پوليتسيا قىزمەتكەرلەرى, اسكەري قىزمەتشىلەر, جەرگىلىكتى اتقارۋشى ورگانداردىڭ قىزمەتكەرلەرى, ەرىكتىلەر قاتىسۋدا.
