اتالعان قۇجاتتى تانىستىرعان ءماجىلىس دەپۋتاتى ازات پەرۋاشەۆ زاڭ جوباسى پرەزيدەنت قاسىم-جومارت توقاەۆتىڭ ۇلتتىق قوعامدىق سەنىم كەڭەسىندە پارلامەنتتىك وپپوزيتسيا ينستيتۋتىن زاڭنامالىق تۇرعىدان بەكىتۋ تاپسىرماسىنا سايكەس دايىندالعانىن ايتتى.
– مەملەكەت باسشىسىنىڭ تاپسىرماسى بويىنشا «اق جول» دەموكراتيالىق پارتياسى الدىن الا دايىنداعان پارلامەنتتىك وپپوزيتسيا تۋرالى زاڭ جوباسىن قازىرگى جاعدايدىڭ تالاپتارىنا سايكەس قايتا جاڭارتتى. زاڭ جوباسى فراكتسيا دەپۋتاتتارىنىڭ ساپارلارى بارىسىندا جەرگىلىكتى جانە ۇلتتىق دەڭگەيدە سايلاۋشىلاردىڭ, عالىمداردىڭ جانە ساياسي قوعام وكىلدەرىنىڭ تالقىلاۋىنان ءوتتى. تالقىلاۋ جۇمىستارى باق بەتتەرىندە جاريالاندى. مىسالى, قاڭتار ايىندا «حابار» ارناسىندا تىكەلەي ەفيردە ءبىر ساعاتتىق پىكىر الماسۋ وتسە, ساۋىردە تاۋەلسىز ينتەرنەت رەسۋرستارىندا شەتەلدىك ساراپشىلاردىڭ قاتىسۋىمەن تاعى دا ەكى تىكەلەي ەفير ءوتىپ, زاڭ جوباسىنا قولداۋ كورسەتىلدى. ءبىز ءوزىمىزدى ۇسىنىستاردى «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا تولىقتىرۋلار ەنگىزۋ تۋرالى», سونداي-اق «قازاقستان رەسپۋبليكاسىنىڭ كەيبىر زاڭنامالىق اكتىلەرىنە پارلامەنتتىك وپپوزيتسيا ماسەلەلەرى بويىنشا وزگەرىس پەن تولىقتىرۋلار ەنگىزۋ تۋرالى» ەكى زاڭ جوباسىنا بولدىك, - دەدى ازات پەرۋاشەۆ.
