– زاروسلىي اۋىلىندا تۇراتىن مۇعالىم كوپ بالالى نۇرلى وماروۆانىڭ وتباسىنداعى جاعداي تۋرالى حابارلادى. ءبىز بۇل وتباسىعا ارنايى بارىپ, جاعدايىممەن تانىستىق. بۇل وتباسىنىڭ سەگىز بالاسى بار. بالالارىنىڭ ۇلكەنى –16 جاستا, ال, كىشىسى ءالى ءبىر جاسقا تولماعان. وتاعاسىنىڭ تۇراقتى جۇمىسى جوق. ون جىلدان بەرى قۇلاعالى تۇرعان ءبىر بولمەلى سارايدى پانالاپ كەلەدى, -دەيدى اۋىل جاستارىن قايىرىمدىلىق ىسكە جۇمىلدىرىپ جۇرگەن انۋاربەك باتاەۆ.
ونىڭ ايتۋىنشا, سەگىز بالالى وتباسى جاردەماقىمەن عانا كۇن كورىپ وتىر. ال, جاناشىر جاستار قولداۋعا مۇقتاج وتباسىنىڭ جاعدايى جونىندە الەۋمەتتىك جەلىدە حابارلاپ, قارجى جيناۋدى باستادى. «كوپ تۇكىرسە – كول» دەگەندەي, مۇقتاج وتباسىعا كومەك بەرۋگە نيەتتى جاندار از ەمەس ەكەن. قايىرىمدىلىق جاساۋدى پارىزى سانايتىن كوپشىلىك قاجەتتى قارجىنى تەز جينادى. ءسويتىپ, سەگىز بالالى وتباسى ءۇشىن بەس بولمەلى ءۇي ساتىپ الىندى.
اۋىلداستارىنىڭ الەۋمەتتىك تۇرمىسى جاقسارعانىن قالايتىن جاستار قالعان قارجىنى تاعى وتباسىعا ءۇي الىپ بەرۋگە جۇمسادى. ءتورت بالاسى بار جالعىزباستى انا قۇرمانعازى اۋىلىندا اۋىلداستارى جالداپ بەرگەن ۇيدە تۇرادى ەكەن. قازىر قايىرىمدىلىق ءىستى قولعا العان جىگىتتەر ساتىپ الىنعان ۇيلەرگە جوندەۋ جۇمىستارىن جۇرگىزىپ, قونىس تويىنا دايىنداپ جاتىر.
وسىلايشا, قازاقتىڭ قانىندا بار قايىرىمدىلىقتى بويعا سىڭىرگەن جاستاردىڭ قولداۋىمەن ەكى وتباسى باسپانا باقىتىنا بولەنگەلى وتىر.
