نۇرلىبەك رىسقالي ۇلى – اتىراۋ وبلىسىنىڭ تۋماسى. ەكى جوعارى ءبىلىمى بار. 1993 جىلى قاراعاندى مەملەكەتتىك مەديتسينا ينستيتۋتىن دارىگەر-پەدياتر ماماندىعىمەن بىتىرگەن. سونداي-اق, يااسساۋي اتىنداعى حالىقارالىق قازاق-تۇرىك ۋنيۆەرسيتەتىنەن مەملەكەتتىك جانە جەرگىلىكتى باسقارۋ ماماندىعىن العان.
ەڭبەك جولىن 1994 جىلى اتىراۋ قالالىق بالالار اۋرۋحاناسىنىڭ №1 بولىمشەسىندە دارىگەر-انەستەزيولوگ, رەانيماتولوگ بولىپ باستاعان. كەيىن 1996 جىلى اتىراۋ قالالىق بالالار اۋرۋحاناسىندا ينتەنسيۆتى تەراپيا بولىمشەسىنىڭ مەڭگەرۋشىسى بولعان.
1996-1997 جىلدارى اتىراۋ قالالىق بالالار جۇقپالى اۋرۋلار (ينفەكتسيالىق) اۋرۋحاناسىنىڭ دارىگەر-انەستەزيولوگ, رەانيماتولوگى, 1997-2000 جىلدارى رەانيماتسيا بولىمشەسىنىڭ مەڭگەرۋشىسى, 2000-2002 جىلدارى باس دارىگەرى قىزمەتتەرىن اتقارعان.
2002-2003 جىلدارى اتىراۋ قالالىق دەنساۋلىق ساقتاۋ ءبولىمى باستىعىنىڭ مىندەتىن اتقارۋشى, 2003-2005 جىلدارى اتىراۋ قالالىق دەنساۋلىق ساقتاۋ ءبولىمىنىڭ باستىعى, 2005-2006 جىلدارى اتىراۋ قالالىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باستىعى, 2006-2007 جىلدارى اتىراۋ وبلىسى بويىنشا دەنساۋلىق ساقتاۋ دەپارتامەنتى باسشىسىنىڭ ورىنباسارى بولىپ ىستەگەن.
2007-2008 جىلدارى مەديتسينالىق قىزمەت كورسەتۋ سالاسىنداعى باقىلاۋ كوميتەتىنىڭ اتىراۋ وبلىستىق باسقارماسىنىڭ ديرەكتورى, 2008-2009 جىلدارى مەديتسينالىق قىزمەت كورسەتۋ سالاسىنداعى باقىلاۋ كوميتەتىنىڭ اتىراۋ وبلىستىق دەپارتامەنتىنىڭ ديرەكتورى, 2009-2013 جىلدارى قازاقستان رەسپۋبليكاسى دەنساۋلىق ساقتاۋ مينيسترلىگى مەديتسينالىق قىزمەتتەردى تولەۋ كوميتەتىنىڭ اتىراۋ وبلىسى بويىنشا دەپارتامەنتىنىڭ ديرەكتورى, 2013-2016 جىلدارى قازاقستان رەسپۋبليكاسى دەنساۋلىق ساقتاۋ مينيسترلىگى مەديتسينالىق قىزمەتتەردى تولەۋ كوميتەتىنىڭ استانا قالاسى بويىنشا دەپارتامەنتىنىڭ باسشىسى, 2016-2017 جىلدارى قر دەنساۋلىق ساقتاۋ مينيسترلىگى مەديتسينالىق قىزمەتتەردى تولەۋ كوميتەتىنىڭ اقمولا وبلىسى بويىنشا دەپارتامەنتىنىڭ باسشىسى, 2017-2019 جىلدارى «الەۋمەتتىك مەديتسينالىق ساقتاندىرۋ قورى» كوممەرتسيالىق ەمەس اكتسيونەرلىك قوعامىنىڭ استانا قالاسى بويىنشا فيليالىنىڭ ديرەكتورى لاۋازىمدارىن اتقارعان.
بىلتىرعى جەلتوقساننان بەرى «الەۋمەتتىك مەديتسينالىق ساقتاندىرۋ قورى» كوممەرتسيالىق ەمەس اكتسيونەرلىك قوعامىنىڭ الماتى قالاسى بويىنشا فيليالىنىڭ ديرەكتورى قىزمەتىن اتقارىپ كەلدى.
