«ەكىنشى دۇنيەجۇزىلىك سوعىس كەزىندە قازاقستاننان شاقىرىلعان 271 مىڭنان استام سولدات پەن وفيتسەر حابار-وشارسىز كەتكەندەر ساناتىندا. كوپشىلىگىنىڭ تاعدىرى كۇنى بۇگىنگە شەيىن بەلگىسىز, ولاردىڭ نە كۇيگە ۇشىراعانىنان تۋعان-تۋىستارى دا سول كۇيى بەيحابار», دەيدى «Atamnyn Amanaty» قوعامدىق بىرلەستىگىنىڭ توراعاسى مۇرات مولداعاليەۆ.
سونداي-اق م.مولداعاليەۆ كەز كەلگەن ادام كەز كەلگەن ۋاقىتتا www.stsg.de سايتىنداعى كەڭەستىك اسكەري تۇتقىندار بازاسىنان حابار-وشارسىز كەتكەن سولداتتار مەن وفيتسەرلەر تۋرالى اقپارات الا الاتىنىن اتاپ ءوتتى. سايتتى قۇرعان – گەرمانياداعى درەزدەن قۇجاتتاما ورتالىعى. مۇنداي سايتتىڭ بار ەكەندىگىن قازاقستاندىقتاردىڭ ءبىرى بىلسە, ءبىرى بىلمەيدى نەمەسە ىزدەۋشىلەر قاجەت اقپاراتتى ىزدەۋ داعدىسىن مەڭگەرمەگەن بولۋى مۇمكىن», دەپ ناقتىلادى بىرلەستىك توراعاسى.
ونىڭ ايتۋىنشا, بۇدان بۇرىنىراق اتالمىش ۇيىم تاراپىنان وبلىستارداعى قورعانىس ىستەرى جونىندەگى دەپارتامەنتتەرگە 500 اسكەري تۇتقىن تىزىمدەرى جىبەرىلگەن. «بىراق جۇمىس ناتيجەسى ماردىمسىز بولدى», نەبارى ءۇش سولداتتىڭ تۋىستارىن تابۋدىڭ ءساتى ءتۇستى.
– ەگەر سونداي تۋىستار تابىلىپ جاتسا, تۋىستارى تابىلعان سولداتقا قاتىستى قوسىمشا اقپارات جيناۋ ماقساتىندا سول ادامدارعا بىرلەستىگىمىزدىڭ بايلانىس دەرەكتەرىن بەرۋدى سۇرايمىز».
