اتاپ ايتقاندا, ءبىرىنشى كەزەڭدە جۇمىسىن باستاعان نىساندار: حيميالىق تازالاۋ, كىر جۋ ورىندارى, كىلەمدەردى تازالاۋ ورتالىقتارى, اتەلە, كيىم مەن اياق كيىم جوندەۋ, تۇرمىستىق تەحنيكا جوندەۋ ورتالىقتارى, اۆتوجۋ ورىندارى, شينومونتاج, ماي اۋىستىرۋ ورتالىقتارى, تەحنيكالىق قىزمەت كورسەتۋ ستانتسيالارى, توكارلىق, دانەكەرلەۋ جانە جيھاز تسەحتارى, سۇلۋلىق سالوندارى جانە شاشتارازدار,تۇرمىستىق تەحنيكانى ونلاين جەتكىزۋ رەجيمىندە ساتۋ بويىنشا ساۋدا ۇيلەرى مەن دۇكەندەر بار.
سونداي-اق كوشەتتەردى, پەستيتسيدتەردى, تىڭايتقىشتاردى جانە باۋ-باقشا تاۋارلارىن ساتاتىن دۇكەندەر, جۇك اۆتوكولىگىنە, اۋىل شارۋاشىلىعى جانە قۇرىلىس تەحنيكاسىنا ارنالعان اۆتوبولشەكتەردى, شينالاردى ساتۋ بويىنشا دۇكەندەر مەن قويمالار, وپتيكا سالوندارى, اۆتوسالوندار مەن ميكرو-قارجى ۇيىمدارى, لومباردتار جانە ايىرباستاۋ پۋنكتتەرى جۇمىسىن قايتا باستادى.
ەكىنشى كەزەڭ بويىنشا 4 مامىردان باستاپ اقپاراتتىق-كوممۋنيكاتسيالىق تەحنولوگيالار كومپانيالارى, 500 شارشى مەترگە دەيىنگى بارلىق باعىتتاعى دۇكەندەر, فوتوسالوندار, مەديتسينالىق ورتالىقتار, ستوماتولوگيالىق كلينيكالار, جارناما اگەنتتىكتەرى, كوشەلەردەگى سپورت الاڭدارى, جەكە كابينالارى بار مونشالار, ءۇي جانۋارلارى مەن گۇل ساتاتىن دۇكەندەر, جىلجىمايتىن م ۇلىك اگەنتتىكتەرى ىسكە قوسىلدى.
بۇگىنگى تاڭدا قالادا جالپى سانى 6 651 نىسان قالىپتى جۇمىس ىستەي باستادى. ول جەرلەردە 136 259 ادام ەڭبەك ەتۋدە.
شىمكەنت قالالىق كاسىپكەرلىك جانە يندۋستريالدى-ينننوۆاتسيالىق دامۋ باسقارماسى بارلىق نىسانداردا سانيتارلىق-ەپيدەميولوگيالىق تالاپتاردى قاتاڭ ساقتاۋدى ەسكەرتتى.
سونىمەن قاتار, بارلىق نىسانداردا وتكىر رەسپيراتورلىق جۇقپالى اۋرۋلار بەلگىلەرى بار قىزمەتكەرلەردىڭ جۇمىسقا شىقپاۋى, بولمەلەرگە جۇيەلى تۇردە دەزينفەكتسيا جۇرگىزۋ, قولدى وڭدەۋ ءۇشىن سانيتايزەرلەر ورناتىلۋى, قىزمەتكەرلەر مەن كەلۋشىلەردىڭ بەتپەردەلىك رەجيمدى ۇستانۋى ەسكەرتىلدى.
مەكەمە اۋماعىندا 5 ادامنان ارتىق جينالماۋى, تولەمدى قولما-قول اقشادان تىس ونلاين ارقىلى تولەۋ مۇمكىندىگىن ۇسىنۋى تالاپ ەتىلىپ, ساقتىق شارالارى باستى نازاردا بولۋى كەرەكتىگى ايتىلدى.
ايتا كەتسەك, ىسكە قوسىلعان نىسانداردا جۇمىس ۋاقىتى كۇندەلىكتى ساعات 10.00 - 18.00 ارالىعىندا جۇرگىزىلمەك.
شىمكەنت
