« ۇلىلاردى ۇلىقتاپ, دانالاردى دارىپتەۋ – حالقىمىزدىڭ يگى ءداستۇرى. ءبىز ءال-فارابي مەن اباي مۇراسىن زەردەلەۋ ارقىلى قازاق دالاسىنداعى وركەنيەتتىڭ تامىرى تەرەڭ ەكەنىن كورسەتەمىز. سوندىقتان بۇل مەرەيتويلار – بارىمىزگە ۇلكەن سىن. اباي ءوزىنىڭ «تولىق ادام» تۇجىرىمىن ميراس ەتسە, ءال-فارابي «باقىتقا جەتۋ جولىنداعى قايىرىمدى قوعام» قاعيداسىن وسيەت ەتىپ قالدىردى. ۇلى ويشىلداردىڭ ادىلدىك پەن ىزگىلىك جونىندەگى ۇستانىمى بارشاعا بەلگىلى. مەنىڭ «حالىق ۇنىنە قۇلاق اساتىن مەملەكەت» اتتى تۇجىرىمدامام وسى قاعيدالارمەن ۇندەسەدى»,-دەپ اتاپ ءوتتى مەملەكەت باسشىسى.
ول قوس دانانىڭ مەرەيتويىن اتاپ وتۋدە جوسپارلانعان شارالاردىڭ الەۋمەتتىك جەلىلەر مەن ينتەرنەت-رەسۋرستاردا كەڭىنەن ناسيحاتتالاتىنىن ايتتى.
«مەرەيتويلار اياسىندا مەملەكەتتىك جانە وڭىرلىك جوسپارلار جاسالدى. بۇگىنگە دەيىن كەيبىر جوبالاردى جۇزەگە اسىرىپ ۇلگەردىك. قازىرگى احۋالعا بايلانىستى ءتۇرلى مەرەيتويلىق شارالار ونلاين فورماتىندا وتكىزىلۋدە. بۇل جوبالار الەۋمەتتىك جەلىلەر مەن ينتەرنەت-رەسۋرستاردا دا كەڭىنەن ناسيحاتتالادى»,- دەدى ق.توقاەۆ.
