ءبىلىم جانە عىلىم مينيسترلىگىندە وتكەن كەڭەستە اباي اتىنداعى قازۇپۋ رەكتورى تاكير بالىقباەۆ بايانداما جاساپ, ۋنيۆەرسيتەتتەگى تاربيە ءۇردىسى ۇلتتىق تاربيەگە نەگىزدەلگەن وقۋ ۇدەرىسىنىڭ اجىرامىس بولىگى بولىپ تابىلاتىنىن اتاپ ءوتتى. ەلىمىزدىڭ جەتەكشى پەداگوگيكالىق ۋنيۆەرسيتەتىنىڭ باسشىسى اباي اتىنداعى قازۇپۋ-دا وتكىزىلەتىن تاربيە جۇمىسىنىڭ سەگىز باعىتىنا توقتالدى: «رۋحاني جاڭعىرۋ» باعدارلاماسى;. ۇلتتىق تاربيە جانە اباي مۇراسىن ناسيحاتتاۋ;. جاستاردىڭ شىعارماشىلىق الەۋەتى;. ەرىكتىلەر قوزعالىسى; ستۋدەنتتىك ءوزىن-ءوزى باسقارۋ جۇيەسى; سىبايلاس جەمقورلىقتىڭ الدىن الۋ; ستۋدەنتتەردى الەۋمەتتىك قولداۋ; اشىقتىق ساياساتى, كەرى بايلانىس.
رەكتور ءاربىر باعىت بويىنشا اتقارىلىپ جاتقان جۇمىستارعا كەڭىنەن توقتالىپ ءوتتى. اعىمداعى جىلى «رۋحاني جاڭعىرۋ» باعدارلاماسى اياسىندا حالىقارالىق جانە رەسپۋبليكالىق, قالالىق جانە ۋنيۆەرسيتەتتىك دەڭگەيدەگى 35 ءىس-شارا وتكىزىلىپ, «تۋعان جەر», «قازاقستاننىڭ كيەلى جەلەرىنىڭ گەوگرافياسى»; «قازاقستاننىڭ قازىرگى مادەنيەتى جاھاندانعان الەمدە»; «جاڭا گۋمانيتارلىق ءبىلىم. 100 جاڭا وقۋلىق», « ۇلى دالا تۇلعالارى» جوبالارى جۇزەگە اسىرىلدى. «جاڭا گۋمانيتارلىق ءبىلىم. 100 جاڭا وقۋلىق» جوباسى بويىنشا ۋنيۆەرسيتەتتىڭ كىتاپحانا قورى الەمدەگى قازاق تىلىنە اۋدارىلعان ەڭ ۇزدىك 49 وقۋلىقپەن تولىقتىرىلىپ, ولار وقۋ ۇردىسىندە بەلسەندى قولدانىلۋدا.
جاستاردىڭ ۇلتتىق سانا-سەزىمىن قالىپتاستىرۋ, ونىڭ ازاماتتىق جانە الەۋمەتتىك بەلسەندىلىگىن ارتتىرۋ ماقساتىندا «ۇلتتىق تاربيە» ءپانى ەنگىزىلىپ (2011), ەلەكتيۆتى ءپان رەتىندە بارلىق ماماندىقتار بويىنشا 1 كۋرس ستۋدەنتتەرىنە 2 كرەديت نەگىزىندە جۇرگىزىلىپ كەلەدى. حاكىم ابايدىڭ تاعىلىمدىق مۇراسىن كەڭىنەن ناسيحاتتاۋ ماقساتىندا بارلىق 1 كۋرس ستۋدەنتتەرىنە 1 كرەديت نەگىزىندە «ابايتانۋ» ءپانى وقىتىلۋدا. «ابايتانۋ» ءپانى ساباق رەتىندە قازاق, ورىس توپتارىندا جۇرگىزىلەدى.بيىل ۋنيۆەرسيتەتىمىزدە «اباي جىلى» بولىپ جاريالىپ, جاستار تاربيەسى باعىتىندا شارالارعا ارقاۋ بولدى. ابايدىڭ قۇنانباەۆتىڭ 175 جىلدىعىن مەرەكەلەۋ اياسىندا جاستار اراسىندا حاكىمنىڭ ادەبي مۇرالارىن كەڭىنەن ناسيحاتتاۋ ماقساتىندا ارنايى جوسپار بەكىتىلىپ, جوسپارعا 62 شارا ەنگىزىلدى. ۋنيۆەرسيتەت جانىندا قازاقستان حالقى اسسامبلەياسى كافەدراسى جاستارعا ۇلتارالىق تۇتاستىق قاعيدالارىن دارىپتەۋ باعىتىندا جۇمىس جاساپ كەلەدى.
جاستاردىڭ شىعارماشىلىق الەۋەتىن ارتتىرۋ ماقساتىندا جاستار جىلى اياسىندا «Smart Students» كوۆوركينگ ورتالىعى, «ورازالى دوسبوسىنوۆ» اتىنداعى جاس اقىندار ورتالىعى, «جاسStar» مۋزىكالىق ستۋدياسى اشىلدى. وقۋ جىلىنا ارنالعان جوسپارعا سايكەس 46 ءىرى جانە ماڭىزدى ءىس-شارالار ۇيىمداستىرىلدى.
قازىرگى ۋاقىتتا ۋنيۆەرسيتەت قابىرعاسىندا التى ەرىكتىلەر قوزعالىسى جانە «ستۋدەنتتىك الەۋمەتتىك كرەديت» جوباسى جۇمىس ىستەيدى. «ستۋدەنتتىك الەۋمەتتىك كرەديت» جوباسى (2019) جاستاردىڭ ازاماتتىق بەلسەندىلىگىن ارتتىرادى جانە بۇگىنگى كۇنى كلۋبقا تارتىلعان ەرىكتىلەردىڭ سانى 395 ءبىلىم الۋشىنى قۇرايدى.
ەرىكتىلەر قوزعالىسىنىڭ ىشىندە «اكسەلەراتور دوبرا»/«ىزگىلىك ەلشىسى» جوباسى - بۇل ازاماتتىق قوعامنىڭ بەلسەندىلىگىن ارتتىرۋعا جانە جاستاردى ۆولونتەرلىككە تارتۋعا كومەكتەسەتىن سوربوننا - قازاقستان ينستيتۋتى جانىنان 2019 جىلدىڭ 7 قازانىندا ىسكە قوسىلعان ەڭ ىرگەلى جوبا. جوبانىڭ باستى ۇيلەستىرۋشىسى - ينستيتۋت ديرەكتورى اينۋر سابيتوۆا. قازىرگى ۋاقىتتا اتالمىش جوبا رەسپۋبليكالىق مارتەبەگە يە بولىپ, ەلدىڭ 17 وبلىسىندا بەلسەندى جۇمىس ىستەۋدە. جوبا قاتارىنداعى ەرىكتىلەر زاڭنامالىق كومەككە مۇقتاجدارعا كەڭەستەر بەرىپ, قايىرىمدىلىق شارالارعا بەلسەنە قاتىسۋدا.
ۋنيۆەرسيتەتتەگى سىبايلاس جەمقورلىققا قارسى كەڭەس قۇرىلىپ, ءۇش كوميسسيا جۇمىس ىستەيدى. «سانالى ۇرپاق» ستۋدەنتتىك كلۋبى قۇرىلدى, «پاراسات» جوبالىق ورتالىعى اشىلدى, ISO 37001-2016 حالىقارالىق ستاندارتىنىڭ ساپا مەنەدجمەنتى جۇيەسى, «انتيپلاگيات» جۇيەسى ەنگىزىلدى. قىسقى سەسسيا بارىسىندا «سىبايلاس جەمقورلىقسىز سەسسيا» اكتسياسى اياسىندا ساۋالناما جۇرگىزىلدى.
قاشىقتان وقىتۋ جۇيەسىندە اكادەميالىق ادالدىقتى قامتاماسىز ەتۋ ءۇشىن ەمتيحاندار كەلەسى فورماتتا وتكىزىلەدى: ونلاين-تەست «Univer» جۇيەسىندە جۇرگىزىلەدى جانە تەست تاپسىرۋ كەزىندە اكادەميالىق ادالدىقتى باقىلاۋ ءۇشىن پروكتورينگ جۇيەسى پايدالانادى; شىعارماشىلىق پاندەر بويىنشا ەمتيحاندار بەينەكونفەرەنتسيا فورماتىندا وتكىزىلەدى جانە پروكتورينگ قولدانىلادى.
اعىمداعى وقۋ جىلىندا 879 ءبىرىنشى كۋرس ستۋدەنتتەرىنە ءتۇرلى كاتەگوريالار بويىنشا, ال 766 ستۋدەنت الەۋمەتتىك جەڭىلدىكتەر الدى. بيىلعى وقۋ جىلىنىڭ وقۋ اقىسىن تولەۋ مەرزىمى مامىر ايىنىڭ سوڭىنا دەيىن ۇزارتىلدى جانە ستۋدەنتتەر وقۋ اقىسىن تولەمەي ەمتيحاندى كەدەرگىسىز تاپسىرادى.
ستۋدەنتتەرمەن كەرى بايلانىس «Open space» فورماتى, سونداي-اق, وتكەن جىلدىڭ ماۋسىم ايىنان Call-ورتالىعى جۇمىس ىستەيدى. وندا بارلىق سۇراقتار بويىنشا سۇراقتارعا جاۋاپ الۋعا بولادى.
