تالداۋ كورسەتكەندەي, توتەنشە جاعداي كەزىندە ءبىر ايدا وتىنىشتەر 3 ەسەگە ارتقان. وتىنىشتەردىڭ باسىم بولىگى ء«بىز بىرگەمىز!» اكتسياسى اياسىندا ازىق-ت ۇلىكپەن كومەك كورسەتۋ, «Birgemiz» قوعامدىق قورىنان بەرىلىپ جاتقان 50 مىڭ تەڭگە, مەملەكەت تاعايىنداعان 42500 تەڭگە جاردەماقى بويىنشا تۇسكەن. سونىمەن بىرگە مەديتسينالىق بەتپەردەلەر مەن ءدارى-دارمەكتەردىڭ قولجەتىمدىلىگى مەن قۇنىنا جانە مەملەكەتتىك ورگانداردىڭ قىزمەتىنە قاتىستى دا وتىنىشتەر مەن سۇراقتار قابىلدانعان. توتەنشە جاعدايعا بايلانىستى پارتيانىڭ قوعامدىق قابىلداۋ بولمەلەرىنىڭ جۇمىسى ونلاين رەجيمدە جۇرگىزىلىپ كەلەدى. بۇل باعىتتا وڭىردە جۇمىس جۇيەلى جولعا قويىلعان.
تۇرعىندارعا پارتيا فيليالدارى قوعامدىق قابىلداۋ بولمەلەرىنىڭ سەنىم تەلەفوندارى مەن بارلىق الەۋمەتتىك جەلىلەرى بويىنشا اقپارات جاريالانعان. ونلاين رەجيمىندە جۇمىس كۇشەيتىلگەن. ماسەلەسى نازارعا الىنعان تۇرعىندار تاراپىنان دا جىلى پىكىرلەر ايتىلۋدا. تۇرعىنداردىڭ تالاپ-تىلەگىن تىكەلەي تىڭداۋ ءۇشىن پارتيا فيليالى توراعاسىنىڭ ءبىرىنشى ورىنباسارى ب.تاجىباەۆ الەۋمەتتىك جەلىلەردە ەكى رەت قابىلداۋ وتكىزدى. الەۋمەتتىك سالاعا جاۋاپتى باسشىلار دا تۇرعىندار ءوتىنىشى مەن ساۋالدارىنا جاۋاپ بەرۋدە.
تۇركىستان وبلىسى
