قازىرگى تاڭدا 7346 شارشى مەتردى قۇرايتىن كوپقاباتتى تۇرعىن ۇيلەردەگى قۇرىلىس جۇمىستارىنىڭ 95 پايىزى اياقتالعان. ۇيلەردى گاز قۇبىرىنا قوسۋ جۇمىستارى جۇرگىزىلۋدە. بۇدان بولەك, اۋدانعا قاراستى ساستوبە كەنتىندە 64 پاتەرلى تۇرعىن ءۇي سالىنۋدا. ونداعى جۇمىستاردىڭ 40 پايىزى ىسكە اسقان. بۇگىندە اۋداندا 2066 تۇرعىن ءۇي كەزەگىندە تۇر. وتكەن جىلى اۋدان اكىمدىگى تاراپىنان 21 كوپقاباتتى ءۇي قۇرىلىسىنا قۇجاتتار تولىق دايىندالىپ, قارجى قاراستىرۋ ماقساتىندا وبلىستىق ءتيىستى باسقارماعا ۇسىنىلعان بولاتىن. ەگەر بۇل ۇسىنىم قولداۋ تاپسا, بيىل ساستوبە كەنتىنەن كوپقاباتتى 4 ءۇي, باقتىبەك مولتەك اۋدانىنان 7 ءۇي, تۇلكىباس كەنتىنەن 10 ءۇي بوي كوتەرەتىن بولادى.
سونداي-اق اۋداندا وبلىستىق جانە اۋداندىق بيۋدجەتتەردەن قارجى ءبولىنىپ, وتكەن جىلى باستالعان 6 مەكتەپتىڭ جانىنان قوسىمشا عيمارات سالۋ جۇمىستارى جالعاسۋدا. بۇل ورايدا ەكى مەكتەپتىڭ قوسىمشا عيمارات قۇرىلىسى تامىز ايىندا تولىعىمەن اياقتالىپ, جاڭا وقۋ جىلىندا پايدالانۋعا بەرىلمەك. ال قالعان ءتورت نىساننىڭ قۇرىلىسى 2021 جىلى اياقتالادى دەپ كۇتىلۋدە. بارلىق قۇرىلىس الاڭدارىندا كارانتين رەجيمىنە سايكەس قاۋىپسىزدىك تالاپتارى ساقتالىپ, جۇمىسشىلار بەتپەردەلەر مەن دەزينفەكتسيالىق زاتتارمەن قامتاماسىز ەتىلگەن.
