بۇگىندە اۋدانداعى اعىن سۋ تاپشىلىعىن جويىپ, سۋارمالى جەرلەردىڭ تيىمدىلىگىن ارتتىرۋ جانە ۇنەمدەۋ باعىتىندا «قازسۋشار» رمك تۇركىستان فيليالى تاراپىنان اۋقىمدى جوبالار قولعا الىنعان. «جۇمىسپەن قامتۋدىڭ جول كارتاسى» مەملەكەتتىك باعدارلاماسى اياسىندا 50,741 شاقىرىم كانالداردى مەحانيكالىق تازالاۋدان وتكىزۋ جوسپارلانسا, ۇزىندىعى 35,666 شاقىرىم بولاتىن ك-34, ك-25-18, ك-21-06, ك-28-31, ك-34-12 كانالدارى تولىق تازالاۋدان وتكەن. سونىمەن قاتار, بۇگىندە ك-25 كانالىنىڭ تازالانۋى ءتيىس 22,7 شاقىرىمىنىڭ 5,5 شاقىرىمى وسكىندى شوپتەر مەن شوگىندى تۇنبالاردان تولىقتاي تازالانعان. 15 مىڭ گەكتاردا 2400 شارۋا قوجالىعى ورنالاسقان اتالمىش كانالدىڭ بويىندا 4 تەحنيكا قىزۋ جۇمىس ىستەۋدە. شارۋالاردىڭ سوڭعى 15 جىلعا جۋىق ۋاقىتتان بەرى تازالاۋ كورمەگەن ك-25 كانالىندا ءتيىستى جۇمىس جۇرگىزگەن مەكەمەگە ايتار العىسى شەكسىز. بۇل ءبىرىنشى كەزەكتە ديقانداردىڭ ۋاقتىلى سۋ الۋىنا, ۇنەمدى پايدالانۋىنا ۇلكەن سەپتىگىن تيگىزەرى ءسوزسىز.
ايتا كەتەلىك, بۇگىندە جەتىساي اۋدانىندا ۇزىندىعى 3 مىڭ شاقىرىمعا جۋىق ءىرىلى-ۇساقتى 1068 كانال بار, 1556,9 شاقىرىمعا تەڭ 780 دانا سۋ جۇيەلەرى ورناتىلعان.
