«ەگەر ءسىز وسى جۇقپالى دەرتتەن جازىلعان بولساڭىز, دونور رەتىندە قان تاپسىرىڭىز, وسىلايشا ءسىز وزگە بىرەۋدىڭ ءومىرىن ساقتاپ قالاسىز», دەيدى ورتالىق ماماندارى. ويتكەنى كوروناۆيرۋستى جەڭىپ شىققان ادامداردىڭ قانىندا وعان قارسى تۇراتىن انتيدەنە پايدا بولادى, ال اۋرۋ جۇقتىرعان پاتسيەنتكە سول سىرقاتتان اۋىرىپ تۇرعان جاننان الىنعان پلازمانى قۇيعاندا, بۇل ناۋقاستىڭ ساۋىعۋىنا الىپ كەلەدى. نەگىزىندە جۇقپالى اۋرۋلاردىڭ قاي ءتۇرىن ەمدەۋدە دە پلازما قۇيۋ ەڭ ءتيىمدى ءتاسىل سانالادى. سول سەبەپتى دە جەر جۇزىندە جۇقپالى اۋرۋ وشاقتارى پايدا بولعان كەزدە پلازما قۇيۋدى قولدانۋ تاجىريبەسى تارالعان.
بۇگىنگىدەي الەم جۇرتشىلىعى ىندەتپەن كۇرەسىپ جاتقان كەزەڭدە پلازما قۇيۋدى گەرمانيا, فرانتسيا, رەسەي جانە وزگە دە بىرقاتار ەل قولدانۋدا. قىتايدا دا پاتسيەنتتەرگە اۋرۋدان ەمدەلىپ شىققانداردىڭ پلازماسىن قۇيۋ ناتيجەلى ەمگە قول جەتكىزدى.
تۇسىندىرە كەتەيىك, ۆيرۋس جۇقتىرعان ادامدا اۋرۋ بارىسىندا ونىڭ قورعانىشتىق جۇيەسى (يممۋندىق جۇيەسى) بەلسەندى قيمىلداپ, اۋرۋ قوزدىرعىشتارىنا قارسى تۇراتىن انتيدەنەلەر جاساقتالا باستايدى. ال جازىلىپ شىققان سوڭ جوعارىداعى انتيدەنەلەر قان پلازماسىندا ساقتالادى. سوندىقتان ونداي پلازمانى اۋىر ناۋقاستاردى ەمدەۋگە قولدانعان ۋاقىتتا ناۋقاس بويىندا بەلسەندىلىگى تومەن ءوز يممۋنيتەتى پايدا بولا باستايدى دا, يممۋندىق جۇيە تولىق كۇشىنە ەنۋىنە, ءوز انتيدەنەلەرىن قالىپتاستىرۋىنا قاجەتتى ۋاقىت ۇنەمدەلەدى, دەيدى ورتالىق ماماندارى.
قان تاپسىرۋ ءۇشىن دونورلاردىڭ وسى اۋرۋدان جازىلىپ شىققانى تۋرالى مەديتسينالىق انىقتاماسى, COVID-19-عا, ايتۆ, گەپاتيت ۆ جانە س, مەرەز اۋرۋىنا تاپسىرعان سىناماسىنىڭ تەرىس كورسەتكىشى بولۋى ءتيىس. پلازماعا قان تاپسىرعىسى كەلەتىن ەرىكتىلەر ساۋىققاننان كەيىن 14 كۇن وتكەن سوڭ شاقىرىلادى. پلازما بىردەن 2-3 ەمگە جەتەرلىكتەي مولشەردە اپپاراتتىق تاسىلمەن الىنادى, بۇل وتە قاۋىپسىز ءادىس. الىنعان پلازما ءارى قاراي ستاندارتتارعا سايكەس ۆيرۋستىق يناكتيۆاتسيادان وتكىزىلەدى, دەيدى دارىگەرلەر.
«سىزدەردەن كومەك كۇتەمىز, قازىرگىدەي كۇردەلى ۋاقىتتا سىزدەر تاپسىرعان قانداعى پلازما ۆيرۋسپەن كۇرەستە شەشۋشى قىزمەت اتقارادى. سوندىقتان ادام ءومىرىن ساقتاپ قالۋعا اسىعىڭىز», دەگەن ورتالىق قان تاپسىرۋعا شاقىرادى.
ەگەر ءسىز COVID-19-بەن اۋىرىپ جازىلىپ شىقساڭىز, بىزگە مىندەتتى تۇردە حابارلاسىڭىز! بايلانىسۋ ءۇشىن: نۇر-سۇلتان قالاسى, جانىبەك-كەرەي حاندار كوشەسى, 10-ءۇي, انىقتاما تەلەفونى:
8 (7172) 54 33 00, ىشكى. 169, ۇيالى: 8 777 006 32 92 (دارىگەر-ترانسفۋزيولوگ كوپەەۆا ەلميرا راشيدقىزى).
8 (7172) 54 33 00, ىشكى. 192, ۇيالى: 8 771 375 02 10 تعوو ء(باسپاسوز حاتشىسى شاريپوۆا اسەمگۇل راحىمبايقىزى).
