وسىلايشا ەفرەيتور شاحرۋح جۋرابەكوۆ, قاتارداعى جاۋىنگەر ماقسات جۇمانازاروۆ جانە تۇركىستان قالالىق پوليتسيا باسقارماسىنىڭ جەرگىلىكتى پوليتسيا قىزمەتكەرى, ۋچاسكەلىك پوليتسيا ينسپەكتورى, لەيتەنانت ادىلبەك ەرجىگىت ۇلى ورتتەن ءۇش ازاماتتى امان الىپ شىقتى.
ايتا كەتەلىك, ەفرەيتور مەن قاتارداعى جاۋىنگەر جۋىردا عانا توتەنشە جاعدايعا بايلانىستى اسكەري مىندەتتىلەردى ارنايى جيىنعا شاقىرۋ جونىندەگى مەملەكەت باسشىسىنىڭ جارلىعىنا سايكەس جاساقتالعان اۋماقتىق اسكەر قاتارىندا قىزمەت ەتۋگە كىرىسكەن بولاتىن.
وسىنداي باتىلدىق پەن قايسارلىق, ياعني ەرلىككە بالار ارەكەت جاساعان كەلەس اۋداندىق اكىمدىگىنىڭ جەتەكشى مامانى بەكسۇلتان اراپباي سۋعا باتىپ بارا جاتقان قىزدى قۇتقاردى. وقىس وقيعا اۋدانداعى اباي – بىرتىلەك اۋىلدارىنىڭ اراسىنداعى بەكەت ماڭىنداعى «وشاقتى» كانالىندا كەشقۇرىم ورىن العان. بەكسۇلتان قىزدىڭ كانالداعى سۋعا ءتۇسىپ كەتكەنىن بايقاپ قالادى. دەرەۋ شەشىم قابىلداعان ول سۋعا سەكىرە ءتۇسىپ, اعىسپەن اعىپ بارا جاتقان قىزدى اجال اۋزىنان امان الىپ قالادى. ء«بىر اللا ساقتادى, سەبەبى مەن ول قىزدى قۇتقارماق بولىپ سۋعا سۇڭگىگەن كەزدە قىز تالىپ كانال تابانىنا باتىپ بارا جاتقان ەدى. دەر كەزىندە سۋدان شىعارىپ, العاشقى كومەك كورسەتتىك», دەيدى بەكسۇلتان عابيددين ۇلى. كەيىننەن ءمالىم بولعانداي, سۋعا تۇسكەن قىزدىڭ ەپيلەپسيا اۋرۋىمەن اۋىراتىنى انىقتالعان. ول ءوزىن جايسىز سەزىنىپ, سۋعا سەكىرىپ كەتكەن. بلوك-بەكەتتە قاۋىپسىزدىكتىڭ ساقتالۋىنا باقىلاۋ جاساعان بەكسۇلتان اراپباي وسىلايشا جاس قىزدى قۇتقارىپ قالدى.
تۇركىستان وبلىسى
