دارىگەرلەر شۇعىل تۇردە گەموترانسفۋزيا جاساپ, ءتيىستى ەم-دوم جۇرگىزەدى. جوعارى جاۋاپكەرشىلىك پەن ءمىنسىز ارەكەتتىڭ ناتيجەسىندە اۋرۋحانانىڭ بىلىكتى دارىگەر-رەانيماتولوگ, گينەكولوگ جانە اكۋشەر قۇرامى جۇكتى ايەلدى ءساتتى بوساندىرىپ الدى. سالماعى 3400 گرامم ۇل دۇنيەگە كەلگەن. ءسابي وقشاۋلانىپ, №3 تۇركىستان وبلىستىق پەرزەنتحانا دارىگەرلەرىنىڭ قاداعالاۋىندا. جاڭا تۋىلعان نارەستەدەن COVID-19-عا تالداۋ الىنعان. ناتيجەسى جاقىن ۋاقىتتا بەلگىلىگى بولادى. دارىگەرلەردىڭ ايتۋىنشا, بالا ءوزىن جاقسى سەزىنەدى. جاڭا بوسانعان انا جۇقپالى اۋرۋلار بولىمىندە ەم قابىلداۋدا, جاعدايى بىرقالىپتى.
