ايماقتار • 29 ءساۋىر، 2020

BizBirgemiz: قوستاناي وبلىسىندا 10 مىڭعا جۋىق ادامعا ماتەريالدىق كومەك كورسەتىلەدى

23 رەت كورسەتىلدى

قوستاناي وبلىسىندا ەلباسى نۇرسۇلتان نازارباەۆتىڭ تاپسىرماسىمەن قولعا الىنعان  «BizBirgemiz! Nur Otan» رەسپۋبليكالىق اكتسياسىنىڭ ەكىنشى تولقىنى باستالدى. شارا اياسىندا  ايماقتاعى تۇرمىسى تومەن، كوپ بالالى وتباسىلار، ەرەكشە قاجەتتىلىككە مۇقتاج ادامدار، وتان سوعىسىنىڭ ارداگەرلەرى مەن جالعىز باستى قاريالارعا ماتەريالدىق كومەك كورسەتىلمەك.

بۇعان دەيىن قوستاناي جانە رۋدنىي قالالارىندا تۇراتىن تۇرمىس جاعدايى تومەن 5681 ادامنىڭ ەسەپشوتىنا ەلباسى باستاماسىمەن قۇرىلعان «Birgemiz» قورىنان 50 مىڭ تەڭگەدەن جاردەماقى اۋدارىلعان بولاتىن.  

27 ساۋىردە باستالعان يگى شارانىڭ ەكىنشى تولقىنى اياسىندا ايماقتا 9564 مۇقتاج جانعا كومەك كورسەتىلدى. جەرگىلىكتى اكىمدىكتەر ماتەريالدىق كومەك الاتىن تۇرعىنداردىڭ ءتىزىمىن جاريالادى. تىزىمگە از قامتىلعان كوپ بالالى وتباسىلار، ۇوس ارداگەرلەرى مەن مۇگەدەكتەرى جانە ولارعا تەڭەستىرىلگەندەر، تىل ەڭبەككەرلەرى، ەڭ تومەنگى زەينەتاقى الاتىن زەينەتكەرلەر، 1 توپتاعى مۇمكىندىگى شەكتەۋلىلەر، ەرەكشە قاجەتتىلىگى بار بالالاردى تاربيەلەپ وتىرعان وتباسىلار، تۇل جەتىمدەر.

 

قوستاناي وبلىسى

 

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار