ەلوردامىزداعى تۇرمىسى تومەن 225 وتباسىعا قۋانىش سىيلاعان يگى شاراعا قمدب توراعاسى, باس ءمۇفتي ناۋرىزباي قاجى تاعان ۇلى ارنايى قاتىسىپ, ىزگى تىلەگىن ءبىلدىردى. رامازان – قايىرىمدىلىق ايى ەكەنىن تىلگە تيەك ەتكەن باس ءمۇفتي بۇگىنگى شاراعا وڭ باعاسىن بەرىپ, جالعاستى بولۋىن تىلەدى.
سونداي-اق «ازىرەت سۇلتان» مەشىتىندەگى قايىرىمدىلىق شارالارىنا ۇنەمى قولداۋ كورسەتىپ, دەمەۋشىلىك جاساپ كەلە جاتقان «Gentlemen`s club» بەلسەندىلەر توبىنىڭ مۇشەلەرى جانە ءانشى, پروديۋسەر قىدىرالى بولمانوۆ پەن «سينەرگيا» ۋنيۆەرسيتەتىنىڭ پرەزيدەنتى باۋىرجان قاسىمبەرگەباەۆتار تا قايىرىمدىلىق شاراسىنان باسىنان تابىلىپ, قاسيەتتى ايداعى ساۋاپتى ىسكە ءوز ۇلەستەرىن قوستى.
ايتا كەتەيىك, ازىق-ت ۇلىك قورى سالىنعان قايىرىمدىلىق پاكەتتەرىن تىزىمدەگى جانداردىڭ تۇرعىلىقتى مەكەنجايىنا جەتكىزىپ بەرۋ جۇمىستارىن وكىلدىك قىزمەتكەرلەرى مەن باس مەشىت جانىنان قۇرىلعان «Sharapat» ەرىكتىلەر ورتالىعىنىڭ مۇشەلەرى ۇيىمداستىرىپ كەلەدى.
