وسى ورايدا تۇركىستان وبلىسىندا «كەڭ دالا» باعدارلاماسى بويىنشا كوكتەمگى دالا جانە ەگىن جيناۋ جۇمىستارىن جۇرگىزۋ ءىسى قىزۋ قولعا الىنۋدا. بۇل جوبانى «وڭتۇستىك» ايماقتىق ينۆەستيتسيالىق ورتالىعى مەن «ىرىس» ميكرو قارجىلىق ۇيىمى قارجىلاندىرماق. وسى ماقساتتا بيىل 950 ملن تەڭگە كولەمىندە قارجى ءبولىنىپ, اتالعان باعدارلاما بويىنشا «اگرارلىق نەسيە كورپوراتسياسى» اق وپەراتور بولىپ بەكىتىلگەن. بۇگىنگى تاڭدا «وڭتۇستىك» ايو تاراپىنان ماقتا, ماقسارى, بيداي جانە باقشا داقىلدارىن ءوسىرۋ باعىتتارى بويىنشا جالپى سوماسى 360,5 ملن تەڭگە 10 جوبا قارالىپ, ماقۇلدانعان. سونداي-اق, تاعى جالپى سوماسى 415 ملن تەڭگە بولاتىن 6 جوبا قارالۋ ۇستىندە. بۇدان بولەك, جالپى سوماسى 174,5 ملن تەڭگەنى قۇرايتىن 4 جوبانىڭ قۇجاتتارىن جيناۋ جۇمىستارى جۇرگىزىلۋدە.
كوكتەمگى دالا جانە ەگىن جيناۋ جۇمىستارىن قارجىلاندىرۋدى جىلىنا 5 پايىزدىق سىياقى مولشەرلەمەسى بويىنشا جۇرگىزۋ ءىسى بيىلعى 15 قاراشاعا دەيىن جالعاسادى.
ال نەسيەنى قايتارۋ مەرزىمى تۇركىستان وبلىسىنىڭ شارۋا قوجالىقتارىنا, جەكە كاسىپكەرلەرىنە جانە زاڭدى تۇلعالارىنا وسىرىلەتىن داقىلداردىڭ بەكىتىلگەن تىزبەسى مەن شىعىن نورماتيۆتەرىنە سايكەس جۇزەگە اسىرىلادى. بارلىق اۋدان ورتالىقتارىندا جۇمىس ىستەيتىن «ىرىس» مقۇ جشس ايماقتىق وكىلدەرى بۇگىندە قۇجاتتاردى جيناۋ جانە تاپسىرۋ بويىنشا قارىز الۋشىلارعا قىزمەت كورسەتۋدە.
تۇركىستان وبلىسى
