جالپى, سالالىق مامانداردىڭ ونلاين-رەجيمدە تاجىريبە جۇرگىزۋى ەلىمىز بويىنشا توتەنشە جاعداي رەجيمىنىڭ ەنگىزىلۋىنە بايلانىستى قاراعاندى وبلىسىندا ءساۋىر ايىنىڭ باسىندا ىسكە قوسىلعان بولاتىن.
ءوڭىر تۇرعىندارىنىڭ دياگنوزىن ونلاين-رەجيمدە قويعان كەزدە دارىگەرلەر انامنەزگە, وسىعان دەيىن دارىگەرلەرگە قارالىپ, سولاردىڭ جازعان دەرەكتەرىنە جانە پاتسيەنتتىڭ سوزىنە سۇيەنەدى.
وبلىستىق دەنساۋلىق ساقتاۋ باسقارماسىنىڭ احۋالدىق ورتالىعىنىڭ باسشىسى ەۆگەني ششەربوۆ ناۋقاستار تۋرالى بارلىق دەرەكتەر, ولاردىڭ دەنساۋلىق تولقۇجاتى كەشەندى مەديتسينالىق اقپاراتتىق جۇيەدە (قاجك) ساقتالاتىنىن ايتادى.
– دارىگەر تولىق اقپاراتتى كورە الادى, سونداي-اق ول پاتسيەنتپەن اۋديو نەمەسە بەينە بايلانىس ارقىلى حابارلاسادى. ياعني, دارىگەر ناۋقاستىڭ جاعدايىن كورىپ, قاجەتتى سۇراقتار قويادى, – دەپ ءتۇسىندىردى ول.
بۇدان بولەك, كەشەندى مەديتسينالىق اقپاراتتىق جۇيەسى (كماج) دارىگەرلەرگە ۆيرتۋالدى كونسيليۋمدار وتكىزۋگە دە مۇمكىندىك بەرەدى.
بۇگىنگى كۇنگە دەيىن دارىگەرلەر قاشىقتان 38 مىڭنان استام كەڭەس بەرىپ ۇلگەردى. ولاردىڭ 18 مىڭنان استامى ۋچاسكەلىك دارىگەرلەرگە جانە 20 مىڭعا جۋىعى سالالىق ماماندارعا ارنالعان.
