«2021 جىلعى جابىق عيماراتتاعى ازيا ويىندارىن تايلاند جوعارى دارەجەدە وتكىزەدى دەگەن سەنىمىم مول. الەمدە قانداي جاعداي بولسا دا, ءبىز سپورت كۇنتىزبەسىن ءارى قاراي جالعاستىرۋ ءۇشىن جۇمىس ىستەپ جاتىرمىز. جابىق عيماراتتاعى ازيا ويىندارىن ۇيىمداستىرۋشىلارعا ساتتىلىك تىلەيمىن», دەيدى ازيا وليمپيادا كەڭەسىنىڭ پرەزيدەنتى.
قازاقستان ۇلتتىق وليمپيادا كوميتەتىنىڭ حابارلاۋىنشا, جاۋىنگەرلىك ونەر تۇرلەرى بويىنشا جابىق عيماراتتاعى التىنشى ازيا ويىندارىن بانگكوك جانە پاتتايا قالالارى قابىلدايدى. جارىستا سپورتتىڭ 24 تۇرىنەن جۇلدە تاراتىلادى. ايتا كەتەلىك, جابىق عيماراتتاعى ەڭ العاشقى ازيا ويىندارى 2005 جىلى بانگكوكتە وتكەن بولاتىن.
2017 جىلى تۇرىكمەنستاننىڭ باس شاھارى – اشحابادتا وتكەن V ازيا ويىندارىندا قازاقستان قۇراماسىنىڭ 181 ورەنى سپورتتىڭ 16 تۇرىنەن ەل نامىسىن قورعاعان. ون ەكى كۇنگە سوزىلعان V ازيا ويىندارىنىڭ قورىتىندىسى بويىنشا 181 سپورتشىمىز 28 التىن, 28 كۇمىس جانە 40 قولا جۇلدە يەلەندى. جالپىكوماندالىق ەسەپتە 96 مەدال جيىنتىعىنا قول جەتكىزگەن ءبىزدىڭ سپورتشىلار ءتورتىنشى ورىنعا تۇراقتاعان-دى.
