«جۇرگىزۋشى قازاقستان - رەسەي شەكاراسىندا «قايراق» اۆتووتكەلىندە بايلانىسسىز تەرمومەتريا ادىسىمەن تەكسەرىلگەندە دەنە قىزۋى بايقالماعان. بىراق جۇك ءتۇسىرۋ ورنىنا جەتكەندە السىرەپ, دەنساۋلىعى سىر بەرە باستاعان سوڭ جەدەل جاردەم شاقىرعان. قازىر توبىل قالاسىنداعى پروۆيزورلىق گوسپيتالعا جاتقىزىلدى. تالداۋ ناتيجەسى بويىنشا بەلورۋس ازاماتىنان COVID-19 دياگنوزى انىقتالدى» - دەپ حابارلادى وڭىرلىك جەدەل اقپارات شتابى.
ناۋقاس قازاقستان اۋماعىنا وتكەن سوڭ جول بويى ەشكىممەن بايلانىسپاعان. جۇك تۇسىرگەن كەزدە دە جەرگىلىكتى تۇرعىندارمەن جاقىن قارىم-قاتىناستا بولماعان.
سونداي-اق, جىتىقارا قالاسىنىڭ پروۆيزورلىق گوسپيتالىندە جاتقان تاعى ءبىر ادامنان ىندەت بەلگىلەرى انىقتالىپ وتىر. ول بۇعان دەيىنگى ناۋقاستاردىڭ بىرىمەن جاقىن قارىم-قاتىناستا بولعان. 1978 جىلى تۋعان ەر ادام جىتىقارا اۋرۋحاناسىنىڭ ينفەكتسيالىق بولىمىنە اۋىستىرىلدى.
قازىر ەكى ناۋقاس بەكىتىلگەن حاتتاماعا سايكەس ەمدەۋ شارالارىنان ءوتىپ جاتىر.
بۇگىنگە دەيىن ايماقتا COVID-19 ىندەتىن جۇقتىرعان 45 ادام انىقتالىپ وتىر.
قوستاناي
