رومان سكليار جانە اتىراۋ وبلىسىنىڭ اكىمى ماحامبەت دوسمۇحامبەتوۆ قۇرمانعازى اۋدانىنا باردى. مۇندا ۆيتسە–پرەمەر «قۇرمانعازى» وتكىزۋ بەكەتىنىڭ جۇمىسىن جانە رەسپۋبليكالىق ماڭىزى بار «اقتوبە ‒ اتىراۋ ‒ رف شەكاراسى» اۆتوجولى قۇرىلىسىنىڭ بارىسىن تەكسەردى.
«قۇرمانعازى» اۆتوموبيل وتكىزۋ بەكەتى 2004 جىلى كوپجاقتى قارىم-قاتىناس ورناتۋ ءۇشىن اشىلدى. تاۋلىك سايىن رف شەكاراسى ارقىلى ەكى جاققا 4000-عا جۋىق ادام مەن 1200 كولىك قۇرالى وتەدى.
سونداي-اق رومان سكليار مەن ماحامبەت دوسمۇحامبەتوۆ «اقتوبە ‒ اتىراۋ ‒ رف شەكاراسى» اۆتوموبيل جولىنىڭ قايتا قۇرۋ ۋچاسكەلەرىنە باردى, ولاردىڭ ارقايسىسىندا مەردىگەرلىك ۇيىمداردىڭ باسشىلارى تۇراقتى جۇمىس بارىسىن قامتاماسىز ەتۋ جونىندەگى شارالار مەن الداعى كەزەڭگە ارنالعان جۇمىس جوسپارلارى تۋرالى باياندادى.
جولدىڭ جالپى ۇزىندىعى 893 شاقىرىمدى قۇرايدى. ونىڭ ىشىندە 545 شاقىرىم جول اتىراۋ وبلىسىنىڭ اۋماعىنان وتەدى. «نۇرلى جول» مەملەكەتتىك باعدارلاماسى اياسىندا 432 كم قايتا جاڭارتىلادى (330-598 كم اتىراۋ ‒ اقتوبە, 616-893 كم اتىراۋ ‒ استراحان رف). جول قۇرىلىسى جۇمىستارى ەكى باعىتتا جۇرگىزىلۋدە.
ۆيتسە-پرەمەر نىسانداردى تەكسەرۋدى قورىتىندىلاي كەلە, قۇرىلىستى ۋاقىتىلى ءارى ساپالى اياقتاۋ بويىنشا مىندەتتەر جۇكتەدى.
