ۋكراينانىڭ استاناسى – كيەۆ قالاسىندا 8-15 قىركۇيەك ارالىعىندا بولىپ وتكەن بوكستان جاسوسپىرىمدەر اراسىنداعى الەم چەمپيوناتى قازاقستان قۇراماسى ءۇشىن تابىستى اياقتالدى.
شارشى الاڭداعى ۇستىندەگى شايقاستاردىڭ قورىتىندىسىندا 2 التىن, 1 كۇمىس جانە 5 قولا مەدال جەڭىپ العان ءبىزدىڭ ۇلاندارىمىز ءاربىرى 3 التىن مەدالدان يەلەنگەن رەسەي مەن كۋبا كوماندالارىنان كەيىنگى ءۇشىنشى ورىنعا تابان تىرەدى. الاڭ يەلەرى – ۋكراينا جاساعى ءتورتىنشى بولسا, بەسىنشى ساتىعا – اقش, التىنشى بەلەسكە يرلانديا كوماندالارى ورنالاستى.
ۋكراينانىڭ استاناسى – كيەۆ قالاسىندا 8-15 قىركۇيەك ارالىعىندا بولىپ وتكەن بوكستان جاسوسپىرىمدەر اراسىنداعى الەم چەمپيوناتى قازاقستان قۇراماسى ءۇشىن تابىستى اياقتالدى.
شارشى الاڭداعى ۇستىندەگى شايقاستاردىڭ قورىتىندىسىندا 2 التىن, 1 كۇمىس جانە 5 قولا مەدال جەڭىپ العان ءبىزدىڭ ۇلاندارىمىز ءاربىرى 3 التىن مەدالدان يەلەنگەن رەسەي مەن كۋبا كوماندالارىنان كەيىنگى ءۇشىنشى ورىنعا تابان تىرەدى. الاڭ يەلەرى – ۋكراينا جاساعى ءتورتىنشى بولسا, بەسىنشى ساتىعا – اقش, التىنشى بەلەسكە يرلانديا كوماندالارى ورنالاستى.
چەمپيوناتتا ءاربىرى 4-5 رەتتەن ۇرىستار وتكىزگەن ءبىزدىڭ باعلانداردىڭ اراسىندا قاراعاندىلىق ابىلايحان ءجۇسىپوۆ (57 كگ) پەن استانالىق راحات مىرجىقپاەۆ (66 كگ) التىن مەدالعا قول جەتكىزسە, الماتىلىق قادىربەك سادىقبەك (70 كگ) كۇمىس جۇلدەلى بولدى. بۇلاردىڭ الدىڭعى ەكەۋى اقتىق ايقاستى تيىسىنشە رەسەيلىك گۋسەين ماگومەدوۆپەن جانە ازەربايجان روۆشان مۋساەۆپەن وتكىزىپ, ەكەۋى دە 3:0 ەسەبىمەن جەڭىسكە جەتسە, كەيىنگىسى فينالدا ۋكراينالىق راميل گادجيەۆپەن جۇدىرىقتاسىپ, ءدال الگىندەي ەسەپپەن ەسە جىبەرىپ الدى. ال قولا مەدالدى جارتىلاي فينالدا قارسىلاستارىنا جول بەرىپ قويعان ءالىمجان بەسكەمپىر (46 كگ), سەرىك تەمىرجانوۆ (48 كگ), ستويان مازۋر (50 كگ), باۋىرجان تەمىرحان (52 كگ) جانە دميتري زيسكو (+80 كگ) ەسىمدى جاس بىلعارى قولعاپ شەبەرلەرى ەنشىلەدى. بۇلاردىڭ اراسىنداعى ستويان مازۋر, ابىلايحان ءجۇسىپوۆ, راحات مىرجىقپاەۆ جانە دميتري زيسكو, سونداي-اق ىرىكتەۋ سىناقتارىندا جارىس جولىنان شىعىپ قالعان سابىرجان ءابىلوۆ پەن ۆياچەسلاۆ ستولبوۆسكي بيىل كوكتەمدە عانا شىمكەنتتە وتكەن ازيا چەمپيوناتىندا التىن مەدال يەگەرلەرى اتانعان بولاتىن. ەندى, مىنە, سولاردىڭ ءبىرازى وسى اتاقتارىنا تاعى ءبىر دارەجە قوسىپ وتىر.
دامير قوجامقۇل.
(چەمپيوناتتىڭ تولىق تەحنيكالىق مالىمەتتەرىن گازەت سايتىنداعى «بوكس. الەم چەمپيوناتى: قازاقستان ءۇشىنشى ورىندا» حابارىنان تانىسا الاسىزدار).
