بەكىرە تۇقىمداس بالىقتاردى اۋلاۋعا, قارا ۋىلدىرىقتى زاڭسىز تاسىمالداۋعا دا, ساۋدالاۋعا دا موراتوري جاريالانعانىنا, ءبىراز جىل ءوتتى. الايدا, اتىراۋدا باعالى بالىقتار مەن قارا ۋىلدىرىق سەكىلدى تالايدىڭ تابەتىن اشاتىن ءونىمنەن ەبىن تاۋىپ, ەكى ەسەلەنگەن پايدا تاپقىسى كەلەتىندەر ازايار ەمەس.
بەكىرە تۇقىمداس بالىقتاردى اۋلاۋعا, قارا ۋىلدىرىقتى زاڭسىز تاسىمالداۋعا دا, ساۋدالاۋعا دا موراتوري جاريالانعانىنا, ءبىراز جىل ءوتتى. الايدا, اتىراۋدا باعالى بالىقتار مەن قارا ۋىلدىرىق سەكىلدى تالايدىڭ تابەتىن اشاتىن ءونىمنەن ەبىن تاۋىپ, ەكى ەسەلەنگەن پايدا تاپقىسى كەلەتىندەر ازايار ەمەس.بۇعان اتىراۋ وبلىستىق ىشكى ىستەر دەپارتامەنتىنە قاراستى بالىق قورىنا قىلمىستىق قول سۇعۋشىلىققا قارسى كۇرەس ءبولىمىنىڭ قىزمەتكەرلەرى 4 كيلوگرامم 750 گرامم قارا ۋىلدىرىقتى تاركىلەۋى دالەل بولا الادى.
بۇل تۋرالى گازەت تىلشىسىنە اتالعان دەپارتامەنتتىڭ ءباسپاسوز حاتشىسى گۇلنازيرا مۇحتاروۆا حابارلادى. ونىڭ ءمالىم ەتۋىنشە, «بەكىرە» شاراسىنىڭ كۇزگى كەزەڭى اياسىندا اتىراۋ حالىقارالىق اۋەجايى ماڭىندا «BMW» كولىگى توقتاتىلعان. كولىكتى تەكسەرۋ بارىسىندا ونىڭ سالونىنداعى قارا جۇك ءسومكەسىنەن 10 پلاستيكالىق ىدىسقا سالىنعان قارا ۋىلدىرىق تابىلعان. قازىر اتالعان فاكتى بويىنشا قىلمىستىق ءىس قوزعاۋ ماسەلەسى شەشىلۋ ۇستىندە.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
