سۋرەتتى تۇسىرگەن سامات مىرزاليەۆ
جوبانىڭ نەگىزگى ماقساتى – وڭىردە قارقىندى الما باقتارىنىڭ كولەمىن ودان ءارى ۇلعايتىپ, ولارعا تامشىلاپ سۋارۋ جۇيەسىن ەنگىزۋ. جالپى قۇنى 2 ملرد 097,3 ملن تەڭگە بولاتىن جوبا بويىنشا وتباسىلىق الما باقتارىن قۇرۋعا ارنالعان جەردىڭ جالپى اۋدانى 117,61 گەكتار. ونىڭ 100 گەكتارى قارقىندى الما باعىن وتىرعىزۋعا, ال 17,61 گەكتارى ينفراقۇرىلىمعا ياعني, جول سالۋعا, سورعى جانە ءسۇزۋ ستانسالارىن ورناتۋعا, تۇندىرعىش-جيناقتاعىش, ۇڭعىما ءۇشىن پايدالانىلادى.
جوبا تولىق ىسكە اسقاندا 50-دەن استام جاڭا جۇمىس ورنى اشىلادى دەپ كۇتىلۋدە. قارقىندى الما باعى ءپىسىپ-جەتىلگەننەن سوڭ جىلىنا 4 500 توننا ءونىم بەرۋگە قاۋقارلى. وتباسىلىق باقتاردا نەگىزىنەن الما اعاشىنىڭ «گالا», «گولدەن دەليشەس», «فيدجي», «گرەنني سميت» سۇرىپتارى كوشەت رەتىندە وتىرعىزىلادى.
