بۇعان دەيىن مازۋتپەن جىلىتىلىپ كەلگەن ارقالىقتى بىرتىندەپ كومىر قىزۋىمەن جىلىتۋعا كوشىرۋ ماقساتىندا بيىل «ارقالىق قالاسىنىڭ جىلۋمەن جابدىقتاۋ جۇيەسىن 2030 جىلعا دەيىن قايتا جاڭارتۋ» جوباسى ىسكە اسىرىلا باستايدى. جوبانى جۇزەگە اسىرۋعا 2020 جىلى بيۋدجەتتەن 3526,5 ملن تەڭگە ءبولىندى. ال 2021 جىلى تاعى 4981,2 ملن تەڭگە ءبولۋ قاراستىرىلعان.
ارقالىق جىلۋ ەنەرگيا ورتالىعىنا الداعى جىلۋ ماۋسىمىنا 48 مىڭ توننا كومىر ساتىپ الۋ كوزدەلىپ وتىر. بۇعان وبلىستىق بيۋدجەتتەن 733,6 ملن تەڭگە بولىنبەك.
جيىن بارىسىندا بيىل ناۋىرزىم اۋدانى قارامەڭدى اۋىلىندا جىلۋ قازاندىعىنىڭ سالىناتىنى بەلگىلى بولدى. سونداي-اق, فەدوروۆ اۋىلىندا تابيعي گازبەن جۇمىس ىستەيتىن بلوكتىق-مودۋلدىك قازاندىق قۇرىلىسى بويىنشا 7 جوبا ىسكە اسىرىلادى.
قوستاناي وبلىسى
