جوبا بويىنشا تالدىقورعاننان باستاۋ الاتىن 32 شاقىرىمدىق 4 جولاقتى جول ۋچاسكەسى ءى تەحنيكالىق ساناتقا سايكەستەندىرىلەتىن بولادى. ال 731 شاقىرىمدىق جول ۋچاسكەسى 2 جولاقتى ءىى تەحنيكالىق ساناتقا ساي بولماق.
قايتا جاڭارتۋ جۇمىستارىنىڭ اياسىندا 6 كوپىر, تەمىرجولدان وتەتىن 3 جول وتكەلى, جارىقتاندىرىلعان 11 جول ايرىعى, 276 قۇبىر, دەمالىس الاڭدارى سالىنىپ, ەلدى مەكەندەر ماڭىندا اۆتوپاۆيلوندار ورناتىلاتىن بولادى.
قازىرگى تاڭدا 9970 تەكشە مەتر جەر قازۋ جۇمىستارى جۇرگىزىلگەن. 252 سۋ وتكىزگىش قۇبىر مەن 22 مال وتكەلى سالىندى. سونداي-اق, 159 شاقىرىمعا قۇم مەن قيىرشىق تاستى قوسپادان جاسالعان جولدىڭ توسەمە قاباتى, 130 شاقىرىمعا جول تابانىنىڭ تومەنگى قاباتى, 118 شاقىرىمعا ءىرى تۇيىرشىكتى اسفالت بەتوننان جاسالعان جول تابانىنىڭ جوعارعى قاباتى, 93 شاقىرىمعا جول جابىنىنىڭ تومەنگى قاباتى توسەلدى. جول وتكەلدەرى, كوپىرلەر مەن جول ايرىقتارى سياقتى 25 نىساننىڭ قۇرىلىسى دا قارقىندى جۇرگىزىلۋدە.
جالپىلاي العاندا, قايتا جاڭارتۋ جۇمىستارىنا جول-قۇرىلىس تەحنيكاسىنىڭ 3 مىڭعا تارتا بىرلىگى مەن 5 مىڭعا جۋىق مامان جۇمىلدىرىلعان. 2020 جىلدىڭ سوڭىنا دەيىن اتالمىش جول بويىندا قوزعالىس اشىلادى دەپ جوسپارلانۋدا. تاسجول 2022 جىلى پايدالانۋعا بەرىلمەك.
قۇرىلىس جۇمىستارىن «CITIC Cinstruction Co.Ltd» جشس, «ك-دورستروي» جشس مەن «Todini Central Asia» جشس جۇرگىزۋدە. جۇمىستاردىڭ ساپاسىن باقىلاۋدى «گك ينجينيريگ» جانە «ZS Enginering» جاۋاپكەرشىلىگى شەكتەۋلى سەرىكتەستىكتەرى جۇزەگە اسىرادى دەپ حابارلادى يدم ءباسپاسوز قىزمەتى.
