بۇۇ باس حاتشىسى پان گي مۋن مامانداردىڭ سيرياداعى حيميالىق قارۋ جونىندەگى بايانداماسىن الدى جانە بۇگىن ونى بۇۇ قاۋىپسىزدىك وداعىنا ۇسىنادى. بۇل تۋرالى بۇكىلالەمدىك ۇيىمنىڭ ءباسپاسوز قىزمەتى بەرگەن اقپارعا سىلتەمە جاساعان ريا «نوۆوستي» حابارلادى.
تامىز ايىندا ماماندار كوميسسياسى بولجام بويىنشا حيميالىق قارۋ قولدانىلعان داماسك تۇبىندەگى گۋتا اۋدانىندا زەرتتەۋ جۇرگىزگەن بولاتىن. ولاردىڭ بايانداماسى بۇل اقپاردى راستاپ نەمەسە جوققا شىعارۋى ءتيىس.
«سيريا مەملەكەتىندە حيميالىق قارۋدىڭ قولدانىلۋىن انىقتايتىن بۇۇ جۇرگىزگەن ءىس-شارانىڭ بايانداماسى باس حاتشىعا تاپسىرىلدى», – دەپ حابارلادى بۇۇ ءباسپاسوز قىزمەتى.
بۇگىن كەشكە باس حاتشى بۇۇ-نىڭ نيۋ-يوركتەگى شتاب-پاتەرىندە زەرتتەۋدىڭ ناتيجەلەرى جونىندە جۋرناليستەرگە مالىمدەيتىن بولادى.
بايانداما ءماتىنى بۇۇ سايتىندا جاريالانادى.
ايدار ورىسباەۆ.
