Falcon 9 راكەتاسىمەن جۇزەگە اساتىن ۇشۋ بيىلعى 27 مامىرعا جوسپارلانعان ەكەن. قۇرامىندا داگ ءحورلي جانە بوب بەنكەن بار ەكيپاجدىڭ وربيتادا 110 تاۋلىك بولۋى جوسپارلانعان. NASA حالىقارالىق عارىش ستانساسىنداعى جۇمىس توقتاپ قالماۋ ءۇشىن ۇشۋدى كوروناۆيرۋس پاندەمياسىنا قاراماستان جۇزەگە اسىرماقشى. يلون ماسكتىڭ SpaceX سياقتى جەكەمەنشىك كومپانياسى مۇنداي جەتىستىككە 18 جىلدان كەيىن جەتپەكشى. بىراق بۇل تاريحي وقيعانى كورەرمەندەر شولۋ الاڭىنان كوزبە-كوز كورە المايتىنى وكىنىشتى جاعداي بولىپ وتىر.
2011 جىلدان بەرى امەريكاندىق استروناۆتتار رەسەيدىڭ «سويۋز» راكەتالارىمەن ۇشىپ كەلگەن. رەسەيلىكتەر عارىشقا ءبىر ادامدى اتتاندىرۋ ءۇشىن ورتا ەسەپپەن باسىندا 55,4 ملن دوللار الىپ كەلسە, سوڭعى ۋاقىتتا ونى 86 ملن دوللارعا كوتەرىپ جىبەرگەن. ەندى «روسكوسموس» مەملەكەتتىك كورپوراتسياسى مۇنداي تابىستان ايرىلادى.
