قىزىلوردا قالاسىندا قىركۇيەكتىڭ 13 جۇلدىزى كۇنى قالالىق ىشكى ساياسات ءبولىمى جانە «بولاشاق جاستارى» قوعامدىق بىرلەستىگىنىڭ ۇيىمداستىرۋىمەن قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ ستۋدەنتتەر سارايىندا «وتباسى - وتان تىرەگى» اتتى دوڭگەلەك وتىرىسى وتكىزىلدى. بۇل تۋرالى قالالىق ىشكى ساياسات ءبولىمى حابارلادى.
وتباسى كۇنىنە بايلانىستى وتكىزىلگەن جيىندا قالالىق ىشكى ساياسات ءبولىمىنىڭ باستىعى ايدىن قايرۋللاەۆ جاس ۇرپاق بويىنا سىڭىرەتىن تاربيەنىڭ باستاۋ كوزى وتباسىنان قالاناتىنىن اتاپ ءوتىپ, قالا دەڭگەيىندە اتقارىلعان شارالارعا توقتالدى. ال قىزىلوردا مەملەكەتتىك ۋنيۆەرسيتەتىنىڭ پروفەسسورى مەرۋەرت اڭساتوۆا قازىرگى كەزدە شاڭىراق كوتەرىپ جاتقان جاستار اراسىندا اجىراسۋ سانىنىڭ ازايماي وتىرعانىن مالىمدەدى. بۇل ورايدا وسى تاقىرىپقا قاتىستى وي قوزعاعان قىزىلجارما اۋىلىنداعى «مۇباراك» مەشىتىنىڭ يمامى نۇرلىبەك ماحامبەتوۆ دىندەگى وتباسى ءرولى پايعامبار حاديستەرىندە, قۇران كارىمدە ايرىقشا ايتىلعانىنا ماڭىز بەردى. جالپى, جيىندا ءسوز العان انالار مەن قوعامدىق بىرلەستىكتەردىڭ مۇشەلەرى, ستۋدەنتتەر وتباسى دىڭگەگىنىڭ مىعىم بولۋى ادامداردىڭ سىيلاستىعىنا تىكەلەي قاتىستى ەكەنىن اتادى.
ءامىرحان الماعانبەتوۆ.
