سول سەبەپتەن اتالعان حالىقارالىق ۇيىم بۇكىلالەمدىك داعدارىس جاعدايىندا بۇۇ-عا مۇشە بارلىق مەملەكەتتەردى دۇنيەجۇزىندەگى بالالاردى قورعاۋ ماقساتىندا شۇعىل ءىس-ارەكەتتەر جاساۋعا شاقىرعانى يۋنيسەف-ءتىڭ قازاقستانداعى بولىمشەسىنىڭ سايتىندا جاريالانىپتى.
«باقىتىمىزعا وراي, بۇگىنگى كۇنگە دەيىن بالالار اراسىندا اۋرۋدىڭ ەڭ اۋىر ءتۇرى بايقالمادى. الايدا ولاردىڭ ءومىرى تولىقتاي وزگەردى. مەن وتباسىلار مەن بارلىق دەڭگەيلەردەگى جەتەكشىلەردى بالالارىمىزدى قورعاۋ ءۇشىن ارەكەت ەتۋگە ۇندەيمىن», - دەيدى بۇۇ باس حاتشىسى انتونيۋ گۋتەرريش.
الەمنىڭ 190 جۋىق ەلدەرىندە مەكتەپتەردىڭ جابىلۋى 1,5 ميلليارد بالا مەن جاسوسپىرىمدەرگە تەرىس اسەرىن تيگىزدى. قازىرگى ۋاقىتتا جەر شارىنداعى بارلىق بالالاردىڭ 60% تولىق نەمەسە ءىشىنارا وقشاۋلاۋ ەنگىزىلگەن ەلدەردە تۇرادى ەكەن. قازاقستاندا 4,5 ميلليوننان ارتىق بالا قاشىقتىقتان ءبىلىم الىپ, 300 000 بالانىڭ ەلەكتروندىق ءبىلىم الۋ ءۇشىن تەحنيكالىق قۇرالدارى جوق بولسا, شامامەن 3000 كىشىگىرىم اۋىلدىق كوپ سالالى مەكتەپ توپتىق ءبىلىم بەرۋدى قامتاماسىز ەتۋدە. يا بالالار تەلەديدار الدىنا وتىرىپ, ساباق تىڭداۋعا كوندىكتى, الايدا تەلەديدار ارقىلى وتكىزىلگەن ساباقتار كەزىندە ەستىمەيتىن بالالارعا ىم تىلىندە ءتۇسىندىرۋ قاجەتتىگىن ۇعىنۋعا قاراماستان, مۇگەدەكتىگى جانە ەرەكشە وقىتۋ ءادىسىن قاجەتسىنەتىن بالالار ساباققا تولىق قاتىسا الماي وتىر.
يۋنيسەف دەرەكتەرىنە سۇيەنسەك, بالالاردىڭ كوپشىلىگى ءبىلىم الۋ مەن ءوزارا قارىم-قاتىناس قۇرۋدا زاماناۋي تەحنولوگيالاردى پايدالاناتىندىقتان, ينتەرنەتتى تەرىس ءارى اسىرا قولدانۋدىڭ زياندى تۇستارى ارتقانى جاسىرىن ەمەس. سونىمەن قاتار ىندەت سالدارىنان تۋعان وقشاۋلاۋدىڭ بالالار مەن جاسوسپىرىمدەردىڭ پسيحيكاسىنا دا كەرى اسەرى بارلىعى ايان. كارانتين ۋاقىتىندا بارلىق جاستاعى بالالارعا مەكتەپتىڭ جابىلۋى, دوستارى مەن تۋىستارىمەن ارالاسۋدىڭ شەكتەلۋىنە, ايىرىلۋىنا بايلانىستى الانداۋشىلىق, جالعىزدىق جانە كوڭىلى قالۋ سياقتى كۇردەلى ەموتسيالاردى باستان وتكەرىپ جاتىر. بۇل ءتىپتى پسيحيكالارى ورنىققان ەرەسەك ادامداردىڭ وزىنە وڭايعا تۇسپەي جاتقاندا ءالى بۇعاناسى بەكىمەگەن بالالار ءۇشىن ايتارلىقتاي اۋىر ەكەنى بەلگىلى دۇنيە.
بۇعان قوسا بۇكىل الەم بويىنشا جۇمىسى جوق نەمەسە تابىستارى تومەندەگەن وتباسىلار دەنساۋلىق ساقتاۋ مەن تاماققا قاتىستى نەگىزگى شىعىندارىن قىسقارتۋعا ءماجبۇر بولۋدا, بۇل بالالارعا, ايەلدەرگە جانە ەمىزەتىن انالارعا قيىندىق تۋعىزۋدا. سونىمەن بىرگە, وسى پاندەميا كەزىندە 23 ەل قىزىلشاعا قارسى يممۋنداۋ كامپانياسىن توقتاتتى. ءبىزدىڭ ەلىمىزدە دە يممۋنداۋدىڭ جوسپارلى باعدارلامالارىنىڭ كوبى توقتاتىلدى. ەگەر وتە مۇقيات بولماسا, جوسپارلى يممۋنداۋدى توقتاتۋ بولاشاقتا وسىعان دەيىن ۆاكتسينا كومەگى ارقىلى الدىن الىپ كەلگەن اۋرۋلاردىڭ ورشۋىنە اكەلىپ سوعۋى دا مۇمكىن, بۇل بالالار ءۇشىن اۋىر سوققىعا اينالادى.ء «بىز, بالكىم, الداعى ۋاقىتتا COVID-19 سالدارىنان جانە ونىڭ ەكونوميكاعا تۇسىرگەن كەرى اسەرىنەن بالالار اراسىندا كەدەيلىكتىڭ ءوسۋىن كورەتىن بولارمىز. الەۋمەتتىك قورعانىس شارالارىن كۇشەيتۋ اسا ماڭىزدى جانە ءبىز پاندەميادان زارداپ شەككەن كەدەي وتباسىلارعا اقشالاي كومەكتى ۇسىنۋداعى قازاقستان ۇكىمەتىن تولىقتاي قولدايمىز», - دەيدى ارتۋر ۆان ديزەن, يۋنيسەف-ءتىڭ قازاقستانداعى وكىلى.
سايتتا ەلىمىزدىڭ كوروناۆيرۋستىڭ ءورشۋىن باسۋداعى كوپتەگەن شارالاردى ىسكە اسىرىپ جاتقانىنا ءمان بەرىلگەن. قازاقستان ۇكىمەتى وتباسىلارعا الەۋمەتتىك كومەك كورسەتۋ, قاشىقتىقتان وقىتۋدى ۇيىمداستىرۋ جانە انالار مەن نارەستەلەرگە كۇتىم جاساۋ سياقتى ءتۇرلى قىزمەتتەردىڭ ۇزدىكسىز باسىمدىعىن ورناتۋ ارقىلى بالالارعا جاناما اسەرلەردى ازايتۋ ءۇشىن شارالار قابىلداۋدا دەلىنگەن. ال قازاقستانداعى بۇۇ تۇراقتى ۇيلەستىرۋشىسى نوريماسا شيمومۋرا: «بۇۇ قازاقستان ۇكىمەتىن ميگرانت, بوسقىندار, مۇگەدەك بالالار جانە الىس اۋىلدىق اۋدانداردا تۇراتىن الەۋمەتتىك تۇرعىدا وسال بالالارعا ناقتى قورعانىس شارالاردى قامتاماسىز ەتۋ ءۇشىن بۇدان ارعى قادامداردى قابىلداۋعا شاقىرامىن. بۇۇ جاس ۇرپاقتى قورعاۋعا جانە ونىڭ ءال-اۋقاتىن جاقسارتۋدا ينۆەستيتسيا سالىپ قولداۋ كورسەتۋگە دايىن», دەگەن ويىن ءبىلدىرىپتى.
سونداي-اق يۋنيسەف-ءتىڭ دەنساۋلىق ساقتاۋ مينيسترلىگىنىڭ ۇلتتىق پسيحيكالىق دەنساۋلىق ورتالىعىمەن بىرلەسىپ پسيحولوگيالىق قولداۋ كورسەتۋدىڭ ونلاين سەانستارىن ۇيىمداستىرعانى, ءبىلىم بەرۋ مينيسترلىگى مەن ەڭبەك جانە الەۋمەتتىك قورعاۋ مينيسترلىگىمەن بىرگە يۋنيسەف COVID-19 تارالۋىن الدىن الۋ بويىنشا شارالار تۋرالى پاراقشالار مەن پلاكاتتارمەن جوعارىدا ايتىلعان ميگراتسياعا ۇشىراعان, وزگە دە وسال توپتاعى بالالاردى قامتىعانى, وعان قوسا #ۇيدەۇيرەنەمىز اقپاراتتىق كامپانياسى تانىمال تۇلعالاردىڭ قاتىسۋىمەن الەۋمەتتىك جەلىلەر ارقىلى بالالارعا ءپوزيتيۆتى تاربيە بەرۋدىڭ ماڭىزدىلىعى جايلى شامامەن 3,5 ملن ادامدى قامتىعان جۇمىستار اتقارعانىن جاريالاعان ەكەن. COVID-19 جالعان اقپارات تاراتۋدىڭ الدىن الۋ بويىنشا ومىرلىك ماڭىزدى اقپاراتتى قازاق جانە ورىس تىلدەرىندە تاراتۋ ءۇشىن يۋنيسەف بارلىق ايماقتاردا بىرنەشە مىڭداعان ونلاين-ەرىكتىلەردى جۇمىلدىرىپ, بيزنەسپەن سەرىكتەستىك قاتىناستاردى پايدالانۋدا, مىسالى, COVID-19 بەينەروليكتەرى ەل بويىنشا قازپوشتانىڭ 350 فيليالدارىندا كورسەتىلۋدە دەيدى.
بۇۇ جۇيەسى بالالارعا COVID-19 ءتۇسىنۋ جانە تىنىشتالۋعا كومەكتەسەتىن ەرتەگىنى قازاق تىلىنە بەيىمدەگەن, سونداي-اق ستيگما جانە كەمسىتۋشىلىكپەن كۇرەس بويىنشا ناۋقاندى باستاعانىن ايتىپ وتكەن. يۋنفپا (بۇۇ حالىق قونىستانۋ قورى) بەلسەندى اكەلىكتى ناسيحاتتاۋ كامپانياسىن, مۇمكىندىكتەرى شەكتەۋلى ادامدار ءۇشىن COVID-19 تۋرالى بەينەروليكتەردى, قازاق جانە ورىس تىلدەرىندە گەندەرلىك نەگىزدەگى زورلىققا قارسى كومەك بەرىپ, اقپاراتپەن قامتيتىن پاراقتار جاساعان. يۋنەسكو جالعان جاڭالىقتارمەن قارسى كۇرەس باعىتىندا قازاق جانە ورىس تىلدەرىندە كومەكشى قۇرال ازىرلەپ, داۋلاردى شەشۋ داعدىلارى بويىنشا جاستار سەمينارىن جانە #BeActive سپورت ونلاين-كامپانيانى دا ىسكە قوسىپتى.
