بۇگىن ءبىرىنشى رەت وتكەن ونلاين قابىلداۋدا بولعانداردىڭ كوبى ازىق-ت ۇلىك سەبەتتەرىن كىمدەر جانە قالاي الىپ جاتىر, قور قاراجاتىنا ۇمىتكەرلەر كىمدەر؟ - دەگەن ساۋالدار قويدى. فيليال توراعاسىنىڭ ءبىرىنشى ورىنباسارى ەلدار كۇزەنباەۆ ولارعا: - ەل اۋماعىندا توتەنشە جاعداي ەنگىزىلگەن ساتتەن باستاپ, ەلباسى BizBirgemiz اكتسياسىنا باستاۋ بەرگەن بولاتىن. قازىرگى تاڭدا ايماقتا تاۋار كورزينالارىمەن جانە تاعى باسقا كەرەك قۇرالدارمەن 2444 مۇقتاج وتباسى قامتىلدى, - دەپ جاۋاپ بەردى.
تىكەلەي ەفيردە وتكەن ونلاين قابىلداۋعا 500 ادام قاتىسىپ, 150-گە جۋىق سۇراق كەلىپ ءتۇستى. ەلدار كۇزەنباەۆ ءار سۇراققا تۇششىمدى جاۋاپ بەرۋگە تىرىستى. كەيبىر ساۋالداردى جازىپ الىپ, كەيىنىرەك مىندەتتى تۇردە شەشەمىز دەگەن ۋادەسىن بەردى. ونلاين قابىلداۋ كەزىندە 42500 تەڭگە تولەمى, «BizBirgemiz» اكتسياسى اياسىندا كورسەتىلىپ جاتقان كومەك جانە الەۋمەتتىك قوردان بەرىلەتىن 50 مىڭ تەڭگە توڭىرەگىندە كوپ ساۋال ءتۇستى. بۇل 50 مىڭ تەڭگەنى الىپ ۇلگەرگەن ءبىراز ازاماتتار العىسىن ءبىلدىرىپ جاتتى.
ەلدار كۇزەنباەۆتىڭ ايتۋىنشا, «BizBirgemiz» الەۋمەتتىك قورىنان بولىنگەن تولەمدەردىڭ ءبىرىنشى تولقىنى بارىسىندا, جەرگىلىكتى اتقارۋشى ورگاندار قۇرعان ءتىزىم بويىنشا قوستاناي وبلىسىندا 5681 مۇقتاج ادامنىڭ ارقايسى 50 مىڭ تەڭگەدەن الەۋمەتتىك كومەك العان. ە. مامىر ايىنىڭ باسىندا اكتسيانىڭ ەكىنشى تولقىنى بويىنشا قاراجات بولىنەتىنىن ايتتى.
ءساۋىر ايى باستالعالى وبلىستىق فيليالعا 3000 مىڭعا جۋىق ازامات جۇگىنىپ, 2000 مىڭنان استام ءوتىنىش ورىندالعان.
قوستاناي وبلىسى
