مەديتسينا قىزمەتكەرلەرى كوروناۆيرۋستىق ينفەكتسيامەن كۇرەستىڭ الدىڭعى شەبىندە ۇيقىسىز جانە دەمالىسسىز جۇمىس ىستەپ, ءوز دەنساۋلىقتارىنا قاۋىپ ءتوندىرىپ, مىندەتتەرىن ءمىنسىز ورىنداپ, ادامداردى قۇتقارۋدا. ولاردى قولدايتىن اكتسيالار مەن چەللەندجدەر بۇكىل الەمدە ءوتىپ جاتىر. «QazExpoCongress» ۇلتتىق كومپانياسى دا مەديتسينا قىزمەتكەرلەرىنە العىس ءبىلدىرىپ جانە پاندەميا كەزىندە ولاردىڭ اۋىر دا يگى جۇمىستارىن اتاپ وتكىسى كەلدى.
قازاق جانە ورىس تىلدەرىندەگى العىس ءار كەش سايىن شىعادى. سونداي-اق مەديا-قاسبەتتە كوروناۆيرۋستىق پاندەميا كەزىندە ازاماتتاردى ۇيلەرىنەن شىقپاۋعا شاقىراتىن #ۇيدەبولىڭىز حەشتەگى جانە مەملەكەت باسشىسىنىڭ باستاماسىمەن وتكىزىلىپ جاتقان جالپىۇلتتىق اكتسيانى قولداۋ ماقساتىندا «Biz Birgemiz!» جازۋى كورسەتىلەدى.
سونىمەن قاتار, مامىر ايىنداعى مەرەكەلەر قارساڭىندا سفەرانىڭ مەديا-قاسبەتىن قازاقستان حالقىنىڭ بىرلىگى كۇنىمەن جانە 1941-1945 جىلدارداعى ۇلى وتان سوعىسىنداعى جەڭىستىڭ 75 جىلدىعىمەن قۇتتىقتاۋلار بەزەندىرەدى.
