بىشكەكتە شانحاي ىنتىماقتاستىق ۇيىمىنىڭ كەزەكتى ءسامميتى ءوتتى
سولتۇستىك افريكا مەن تاياۋ شىعىستىڭ بارلىق وڭىرىندە قالىپتاسقان جالپى قاۋىپتى احۋال جاھاندىق تۇراقتىلىققا تونگەن قاتەر بولىپ تابىلادى جانە شىۇ جاۋاپكەرشىلىگى اۋماعىنداعى جاعدايعا تەرىس ىقپالىن تيگىزەدى.
ن.ءا.نازارباەۆ.
كەشە بىشكەكتە شانحاي ىنتىماقتاستىق ۇيىمىنىڭ كەزەكتى ءسامميتى ءوتتى. وعان قازاقستان پرەزيدەنتى نۇرسۇلتان نازارباەۆ قاتىسىپ, ەلباسىنىڭ ساپارى مەن ەكىجاقتى كەزدەسۋلەرىن شەتەلدىك باق وكىلدەرى بارىنشا ىقىلاستى ناسيحاتتادى. ال بيىل بىرقاتار ايتۋلى شارالاردى اتقارعان قىرعىز ەلىندە قابىلدانعان بىشكەك دەكلاراتسياسى قانداي ماسەلەدە بولسىن شىۇ-عا مۇشە مەملەكەتتەردىڭ مامىلەسى ءبىر ەكەندىگىن ءىس جۇزىندە پاش ەتتى.
بىشكەكتە شانحاي ىنتىماقتاستىق ۇيىمىنىڭ كەزەكتى ءسامميتى ءوتتى
سولتۇستىك افريكا مەن تاياۋ شىعىستىڭ بارلىق وڭىرىندە قالىپتاسقان جالپى قاۋىپتى احۋال جاھاندىق تۇراقتىلىققا تونگەن قاتەر بولىپ تابىلادى جانە شىۇ جاۋاپكەرشىلىگى اۋماعىنداعى جاعدايعا تەرىس ىقپالىن تيگىزەدى.
ن.ءا.نازارباەۆ.
كەشە بىشكەكتە شانحاي ىنتىماقتاستىق ۇيىمىنىڭ كەزەكتى ءسامميتى ءوتتى. وعان قازاقستان پرەزيدەنتى نۇرسۇلتان نازارباەۆ قاتىسىپ, ەلباسىنىڭ ساپارى مەن ەكىجاقتى كەزدەسۋلەرىن شەتەلدىك باق وكىلدەرى بارىنشا ىقىلاستى ناسيحاتتادى. ال بيىل بىرقاتار ايتۋلى شارالاردى اتقارعان قىرعىز ەلىندە قابىلدانعان بىشكەك دەكلاراتسياسى قانداي ماسەلەدە بولسىن شىۇ-عا مۇشە مەملەكەتتەردىڭ مامىلەسى ءبىر ەكەندىگىن ءىس جۇزىندە پاش ەتتى.
سامميتكە شىۇ-عا مۇشە مەملەكەتتەردىڭ باسشىلارى – قحر توراعاسى سي تسزينپين, قىرعىز رەسپۋبليكاسىنىڭ پرەزيدەنتى المازبەك اتامباەۆ, رەسەي فەدەراتسياسىنىڭ پرەزيدەنتى ۆلاديمير پۋتين, تاجىكستان رەسپۋبليكاسىنىڭ پرەزيدەنتى ەمومالي راحمون, وزبەكستان رەسپۋبليكاسىنىڭ پرەزيدەنتى يسلام كاريموۆ قاتىستى. سونىمەن قاتار, كەڭەسكە شىۇ جانىنداعى باقىلاۋشى مارتەبەسىنە يە مەملەكەتتەردىڭ جانە بىرقاتار حالىقارالىق ۇيىمداردىڭ وكىلدەرى كەلدى.
بۇگىنگىدەي الماعايىپ زاماندا ايماقتاعى قاۋىپسىزدىكتىڭ ەڭ كوكەيكەستى تاقىرىپقا اينالعانى قاشان؟! وسى تۇرعىدان كەلگەندە, كوڭىلى الاڭ جۇرتشىلىق شانحاي ىنتىماقتاستىق ۇيىمى سياقتى حالىقارالىق قاۋىمداستىق الدىندا بەدەلى زور, ازۋىن كورسەتە الاتىن وزىندىك الپاۋىتتارى بار قۇرىلىمعا قالاي يەك ارتپاسىن. ونىڭ ۇستىنە وزىمەن وزگەلەردى ساناستىرا الاتىن شىۇ مەملەكەتتەرىنە التى بىردەي ەل باقىلاۋشى رەتىندە بار ىسىنە ارالاسىپ, ونىڭ ىقپالىن ارتتىرۋعا مۇددەلى ەكەندىكتەرىن اشىق ءبىلدىرىپ, قىزمەتىن جانداندىرۋعا سەپتەسىپ وتىر.
وڭىردەگى تۇراقتىلىق – ءوسىپ-وركەندەۋ كەپىلى
سونىمەن, ءسامميتتىڭ رەگلامەنتى بويىنشا توراعالىق ەتۋشى ەلدىڭ باسشىسى ا.اتامباەۆ العاشقى ءسوزدى قازاقستان رەسپۋبليكاسىنىڭ پرەزيدەنتىنە بەردى. ال كەڭەستىڭ شاعىن قۇرامدا وتكەن وتىرىسى بارىسىندا نۇرسۇلتان نازارباەۆ ۇيىم بويىنشا سەرىكتەستەرگە شىۇ-نىڭ 2025 جىلعا دەيىنگى دامۋ ستراتەگياسىن ازىرلەۋ يدەياسىن قولداعاندارى ءۇشىن ريزاشىلىق ءبىلدىردى. ول اتالعان قۇجاتتىڭ نەگىزىن شىۇ فورۋمى مەن تاراپتاردىڭ جەتەكشى ساراپشىلارىن تارتا وتىرىپ دايىنداۋ قاجەتتىگىن, ۇيىم قىزمەتىنىڭ نەگىزگى باعىتتارىنىڭ تەڭدەستىرىلگەن قاعيداتتارى ورىن الۋى ءتيىس ەكەنىن اتاپ ءوتتى. قازاقستان پرەزيدەنتى شىۇ باس حاتشىسىنىڭ ءرولىن جانە ۇيىم حاتشىلىعى قىزمەتىنىڭ تيىمدىلىگىن ارتتىرۋ قاجەتتىگىن كولدەنەڭ تارتتى.
كەڭەستىڭ كەڭەيتىلگەن قۇرامدا وتكەن وتىرىسى اياسىندا سويلەگەن سوزىندە نۇرسۇلتان نازارباەۆ شىۇ كەڭىستىگىندەگى جانە ىرگەلەس وڭىرلەردەگى تۇراقتىلىق بەيبىتشىلىك پەن ءوسىپ-وركەندەۋدىڭ كەپىلى بولىپ سانالاتىنىن اتاپ كورسەتتى. مەملەكەت باسشىسى وڭىرلىك قاۋىپسىزدىكتىڭ ەڭ وزەكتى پروبلەماسىنىڭ ءبىرى رەتىندە جاڭا تاريحي كەزەڭگە ەنەتىن اۋعانستانداعى جاعدايدى اتادى.
– كابۋلگە شىۇ جانىنداعى باقىلاۋشى مارتەبەسىن ۇسىنۋ تۋرالى شەشىم ءىس جۇزىندەگى ەكونوميكالىق قاداممەن قۋاتتالۋى قاجەت دەپ سانايمىن, – دەدى ن.نازارباەۆ.
يراننىڭ يادرولىق باعدارلاماسى اينالاسىنداعى جاعدا
