22 ساۋىرگە قاراعان ءتۇنى ساعات 02.00 شاماسىندا التىنسارين كوشەسىندە بىرنەشە وتباسى تۇرىپ جاتقان قوس قاباتتى كوتتەدجدەن ءورت شىعادى. مۇنى تۇنگى كۇزەتتە جۇرگەن لەيتەنانتتار جانبولات جاۋتين مەن امانتاي بايجانوۆ بايقاپ قالىپ, بىردەن كومەككە ۇمتىلادى.
– ءبىز سول ساتتە ءورت سوندىرۋشىلەر مەن جەدەل جاردەم قىزمەتىن شاقىردىق. مۇندايدا ءار سەكۋند قىمبات. ەكى قاباتتى ءۇيدىڭ مانساردىندا دا ادام بار ەكەن, - دەيدى جانبولات جاۋتين. ءۇيدىڭ اينالاسىنداعى قورشاۋى بيىك, قاقپاسى جابىق بولعان. پوليتسەيلەر قورشاۋدان سەكىرىپ ءتۇسىپ, ق ۇلىپتاۋلى ءۇيدىڭ ەسىگىن بۇزىپ ىشكە ەنەدى. بۇل كەزدە مانسارد تۇگەلدەي قىزىل جالىنعا ورانىپ, ءۇيدىڭ ءىشىن قويۋ ءتۇتىن باسا باستاعان. پوليتسەيلەر جانتالاسىپ ءجۇرىپ, ۇيدەگىلەردى ۇيقىدان وياتا باستايدى. ويانا الماعاندارىن سىرتقا كوتەرىپ شىعارعان. تۇرعىنداردىڭ ءبىرى قالماي سىرتقا شىعارىلعانىنا كوزىمىز جەتكەنشە ۇيگە قايتا-قايتا كىرىپ, بولمەلەردى بىرنەشە رەت تەكسەرىپ شىقتىق, - دەيدى ۇستىندەگى قىزمەتتىك كيىمىن جالىن جالاپ ج ۇلىم-ج ۇلىم ەتكەن, قولىن كۇيىك قارىعان امانتاي بايجانوۆ.
ءورت شىققان ءۇيدىڭ قوجايىنى پاۆەل ياكوۆلەۆ ءۇيدى ءوزى تۇرعىزعانىن, قازىر بولمەلەرىن جالعا بەرىپ جاتقانىن ايتتى.
قوستاناي
