قازاقستان اۋە قورعانىسى كۇشتەرىنىڭ اسكەري بولىمدەرى مەن قۇرىلىمدارى اسكەري وقۋ ورنىن بىتىرگەن تۇلەكتەرمەن تولىقتى. قازاقستاننىڭ, بەلارۋس رەسپۋبليكاسى مەن رەسەي فەدەراتسياسىنىڭ اسكەري وقۋ ورىندارىن بىتىرگەن 44 لەيتەنانت تالدىقورعانداعى اۆياتسيالىق بازادا جاس وفيتسەرلەردىڭ وقۋ جيىنىنا قاتىستى.
قازاقستان اۋە قورعانىسى كۇشتەرىنىڭ اسكەري بولىمدەرى مەن قۇرىلىمدارى اسكەري وقۋ ورنىن بىتىرگەن تۇلەكتەرمەن تولىقتى. قازاقستاننىڭ, بەلارۋس رەسپۋبليكاسى مەن رەسەي فەدەراتسياسىنىڭ اسكەري وقۋ ورىندارىن بىتىرگەن 44 لەيتەنانت تالدىقورعانداعى اۆياتسيالىق بازادا جاس وفيتسەرلەردىڭ وقۋ جيىنىنا قاتىستى.
جاس وفيتسەرلەر دەنە جانە اتىس جاتتىعۋلارى بويىنشا دايىندىقتان ءوتىپ, مەملەكەتتىك-قۇقىقتىق بىلىمدەر نەگىزى, جالپى اسكەري جارعى, مەملەكەتتىك قۇپيالاردى قورعاۋ بويىنشا لەكتسيالار تىڭدادى. جيىندا العان ءبىلىم مەن تاجىريبە جاس وفيتسەرلەردىڭ ەرتەڭگى ءاسكەري قىزمەتىنە پايداسىن تيگىزەرى ءسوزسىز.
سونداي-اق, جاڭادان كەلگەن اسكەري قىزمەتشىلەر مورالدىق-پسيحولوگيالىق جاعدايىن انىقتاۋ ماقساتىندا پسيحولوگيالىق تەستىلەۋدەن وتكىزىلدى.
جيىنعا اسكەري اۋە كۇشتەرى قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى پولكوۆنيك ەركىن جۇماعاليەۆ باسشىلىق جاسادى, ول جاس لەيتەنانتتارعا قىزمەتتەرىنە تابىس, ءوز ماماندىقتارىنىڭ ەرەكشەلىكتەرىن تولىق مەڭگەرۋلەرىن تىلەدى.
«ەگەمەن-اقپارات».
